2024-05-26 20:26:28, 425 ნახვა
პოლიტიკა
საპროტესტო მარში თბილისში, ფილარმონიის მიმდებარედ დაიწყო
"მარად და ყველგან, საქართველოვ, მე ვარ შენთანა!" - ამ სახელწოდებით თბილისში საპროტესტო მარში მიმდინარეობს. მსვლელობა ფილარმონიიდან დაიწყო და ვაკის პარკთან დასრულდება.
"1919 წელს, დამოუკიდებლობის გამოცხადების პირველ წლის აღსანიშნავად, მარში თანამედროვე ჭავჭავაძის გამზირით ვაკის პარკის ტეროტორიისკენ გაემართა. ჩვენც ამ გზას გავივლით", - აცხადებენ ორგანიზატორები.
მელიქიშვილის გამზირზე იმყოფებიან რიგითი მოქალაქეები, სტუდენტები და სკოლის მოსწავლეები, ასევე მათი მშობლები და პროფესორ-მასწავლებლები. ადგილზე იკრიბებიან არასამთავრობო ორგანიზაციებისა და პოლიტიკური პარტიების წარმომადგენლებიც.
აქციაზე სკანდირებენ - "არა რუსულ კანონს", "არა რუსულ რეჟიმს".
ავტორი: ექსპრესნიუსი,
epn.ge (@expressnews.ge)
