2024-04-22 10:18:31, 426 ნახვა
მსოფლიო
DW - სომხეთმა სოფელ კირანცში გამართულ აქციაზე სპეცრაზმი გაგზავნა
სომხეთმა სოფელ კირანცში გამართულ აქციაზე სპეცრაზმი გაგზავნა. ამის შესახებ ინფორმაციას Deutsche Welle ავრცელებს.
მედიის ცნობით, კირანცის მოსახლეობა სომხეთსა და აზერბაიჯანს შორის საზღვრის დემარკაციის შესახებ შეთანხმებას აპროტესტებს და 19 აპრილის შემდეგ, ვოსკეპარ-კირანცის მაგისტრალის მონაკვეთს ბლოკავს.
მათივე ინფორმაციით, სპეცრაზმმა ადგილზე შეკრებილი მოსახლეობა გააფრთხილა, რომ თუ არ დაიშლებიან, მათ წინააღმდეგ ძალას გამოიყენებენ, თუმცა მოსახლეობა კვლავ ადგილზე რჩება.
შეგახსენებთ, 19 აპრილს, სომხეთი და აზერბაიჯანი წინასწარ შეთანხმდნენ, თუ სად გაივლის მათ შორის სახელმწიფო საზღვარი.
ავტორი: ექსპრესნიუსი,
epn.ge (@expressnews.ge)
