2024-04-15 15:27:47, 306 ნახვა

---

კალაძე - რადიკალური ოპოზიციონერები როგორც შეუძლიათ, ისე აბულინგებენ ჟურნალისტებს და განსხვავებული აზრის მქონე ადამიანებს

რადიკალური ოპოზიციის წარმომადგენლები სინამდვილეში არა ლიბერალები, არამედ ფაშისტები არიან, - ასე გამოეხმაურა თბილისის მერი კახა კალაძე ტელეკომპანია „იმედის“ ჟურნალისტთან დაკავშირებულ ფაქტს.

მისივე თქმით, "კონკრეტული ოპოზიციონერები დღესაც, ისევე როგორც წინა ხელისუფლებაში ყოფნის დროს, განსხვავებული აზრის მქონე ადამიანებზე ზეწოლას განაგრძობენ".

„ეს ადამიანები გვეუბნებიან, რომ ლიბერალები არიან. სინამდვილეში ფაშისტებს უფრო ჰგვანან. ასეთები იყვნენ წარსულში, ხელისუფლებაში ყოფნის დროს. გვახსოვს, რა მძიმე მეთოდებით მართავდნენ ქვეყანას, ხალხს როგორ უსწორდებოდნენ. დღეს უბრალოდ ამის რესურსი არ აქვთ და როგორც შეუძლიათ, ისე აბულინგებენ ჟურნალისტებს, განსხვავებული აზრის მქონე ადამიანებს და ა.შ. ძალიან მალე ეს ყველაფერი დამთავრდება და იქნება ისე, როგორც ჩვენი ქვეყნის ხვალინდელ დღეს სჭირდება“, - განაცხადა კახა კალაძემ.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი