ევროკავშირის საბჭოს პრეზიდენტმა, შარლ მიშელმა ილჰამ ალიევს აზერბაიჯანის პრეზიდენტად არჩევა მიულოცა.

როგორც შარლ მიშელი აღნიშავს, მან ალიევთან საუბრის დროს ხაზი გაუსვა ეუთოს დემოკრატიული ინსტიტუტებისა და ადამიანის უფლებების ოფისთან სამომავლო ჩართულობის მნიშვნელობას.

„განვიხილეთ ევროკავშირისა და აზერბაიჯანის ურთიერთობები, თანამშრომლობა, მათ შორის დაკავშირებადობის და ენერგეტიკის მიმართულებით. ასევე გვქონდა არსებითი დისკუსია სომხეთისა და აზერბაიჯანის ურთიერთობების ნორმალიზაციის შესახებ. მივესალმები აზერბაიჯანის ვალდებულებას, განაახლოს ბრიუსელის პროცესის სამმხრივი შეხვედრა სტაბილური და აყვავებული სამხრეთ კავკასიის წინსვლისთვის“, - განაცხადა შარლ მიშელმა.

ცესკოს წინასწარი მონაცემებით, ილჰამ ალიევმა აზერბაიჯანის საპრეზიდენტო არჩევნებში 92,05%-ით გაიმარჯვა.​

ავტორი: ექსპრესნიუსი,

სოციალური ქსელები

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"

მზადება ახალი თავგადასავლისთვის - თიბისის მობაილბანკში მასშტაბური მარათონი ბრუნდება

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა

ალიანსი: რეჟიმმა უნდა იცოდეს, რომ ელენეს ჯანმრთელობის დაზიანებისთვის მოუწევთ პასუხისგება