2023-12-24 13:42:38, 1463 ნახვა
რეგიონი
ყვარლის მუნიციპალიტეტში ძლიერი ქარის შედეგად 20-მდე სახლის სახურავი და ელექტროგადამცემი ხაზები დაზიანდა
ყვარლის მუნიციპალიტეტში ძლიერმა ქარმა და წვიმამ 18 საცხოვრებელი სახლის სახურავი დააზიანა. ამის შესახებ ინფორმაციას ყვარლის მერია ავრცელებს.
მერიის ცნობით, ქარმა მოგლიჯა ხეები და ასევე დააზიანა ელექტროგადამცემი ხაზები.
"ამ ეტაპზე, ქალაქის ნაწილში აღდგენილია ელექტროენერგიის მიწოდება. მერიის ყველა შესაბამისი სამსახური და ასევე, საგანგებო სიტუაციების მართვის სამსახურის მეხანძრე-მაშველები უწყვეტ რეჟიმში მუშაობდნენ. მოხდა გზების გაწმენდა",- ნათქვამია მერიის ინფორმაციაში.
ავტორი: ექსპრესნიუსი,
epn.ge (@expressnews.ge)
