ქალბატონო პრეზიდენტო, სადაც არ უნდა იყოთ, სადაც არ უნდა გათხაროთ, თქვენ ქართველი ხალხის მხარდაჭერას ვერ მოიპოვებთ იმიტომ, რომ გაშიფრული ხართ,- ასე ეხმაურება "ქართული ოცნების" დეპუტატი ირაკლი ზარქუა საპარლამენტო არჩევნებში მონაწილეობის საკითხზე პრეზიდენტ სალომე ზურაბიშვილის განცხადებას.

როგორ ზარქუამ ჟურნალისტებთან საუბრისას აღნიშნა, ზურაბიშვილს "ნდობის მანდატი" დაკარგული აქვს.

"ნაციონალური მოძრაობა“, რომელიც ჩაფლავდა არა ერთი მცდელობის მიუხედავად, რომ მოეხდინა აქ რევოლუცია, ახლა გამოდის ორ ფრონტზე. ერთი იქნება ჩემი "ხაბე" და მისი შემადგენლობა, ნუ "ლუზერები" და აქეთ იქნება ვითომ ახალი სისხლი, მათ შორის ქალბატონი ზურაბიშვილი, გვარამია, "ლელო", გახარია და დანარჩენი ხელმოცარულები... 

ქალბატონო პრეზიდენტო, სადაც არ უნდა იყოთ, სადაც არ უნდა გათხაროთ, თქვენ ქართველი ხალხის მხარდაჭერას ვერ მოიპოვებთ იმიტომ, რომ გაშიფრული ხართ. თქვენ არ ხართ ქართული საზოგადოების, ქართული ინტერესების მხარდამჭერი და გამტარებელი, რისთვისაც ჩვენ მოგიყვანეთ, მხარს გიჭერდით და ავარჩევინეთ ჩვენს მოსახლეობას. ეს მანდატი ნდობის დაკარგეთ როგორც მმართველი პარტიისთვის, ისე ჩვენი სახელმწიფოსთვის",- ამბობს ირაკლი ზარქუა.

ცნობისთვის, ჩეხეთში ვიზიტის დროს "რადიო თავისუფლების“ პრაღის ოფისისთვის მიცემული ინტერვიუს დროს, კითხვაზე თუ საქართველოს ევროპული მომავალი კითხვის ნიშნის ქვეშ დადგებოდა, მიიღებდა თუ არა რამე ფორმით საარჩევნო რბოლაში მონაწილეობას, საქართველოს პრეზიდენტმა, სალომე ზურაბიშვილმა განაცხადა: "თუ საქართველოს ევროპული მომავალი კითხვის ნიშნის ქვეშ დადგება, მე განვიხილავ ყველაფერს".

ავტორი: ექსპრესნიუსი,

სოციალური ქსელები

აშშ-ის პრეზიდენტმა ანკარაში ზელენსკისთან შეხვედრაზე განაცხადა, რომ პუტინთან საუბარს აპირებს

ქეთევან თოიძემ Tashkent International Investment Forum-ზე გალტ & თაგარტის გამოცდილება გააზიარა

ტრამპი: აშშ ირანზე ახალი დარტყმებისთვის ემზადება

ტრამპი: აშშ უკრაინას Patriot-ის სისტემებისა და რაკეტების წარმოების ლიცენზიას მისცემს