2023-11-16 16:28:14, 891 ნახვა
მსოფლიო
IDF აქვეყნებს ფოტო და ვიდეომასალას, სადაც მათი განცხადებით, ალ-შიფას საავადმყოფოს ჩხრეკისას აღმოჩენილი შეიარაღებაა აღბეჭდილი
ისრაელის თავდაცვის ძალები (IDF) X-ზე [ყოფილ Twitter-ზე] აქვეყნებს ფოტო და ვიდეომასალას, სადაც მათი განცხადებით, ღაზას სექტორში მდებარე ალ-შიფას საავადმყოფოს სამკურნალო ზონებში აღმოჩენილი აღჭურვილობაა აღბეჭდილი.
როგორც IDF-ში ამბობენ, საავადმყოფოს შენობას "ჰამასის" ტერორისტები შეიარაღებისა და ტერორისტული ინფრასტრუქტურის შესანახად იყენებენ.
ისრაელის თავდაცვის ძალების ცნობით, საავადმყოფოში ჩხრეკა გრძელდება.
შეგახსენებთ, ისრაელის არმიამ ალ-შიფას საავადმყოფოში რეიდი გუშინ, 15 ნოემბერს დაიწყო.
ავტორი: ექსპრესნიუსი,
epn.ge (@expressnews.ge)
