​საქართველოს გენერალურ პროკურატურაში ფულის გათეთრების წინააღმდეგ ბრძოლის უწყებათაშორისი სამუშაო ჯგუფის პირველი შეხვედრა გაიმართა. აღნიშნულის შესახებ ინფორმაციას საქართველოს გენერალური პროკურატურა ავრცელებს.

უწყების ცობით, ღონისძიება საქართველოს გენერალური პროკურორის პირველმა მოადგილემ, ბაკურ აბულაძემ გახსნა. შეხვედრაზე გენერალური პროკურორის პირველმა მოადგილემ ხაზი გაუსვა ფულის გათეთრების წინააღმდეგ ბრძოლის პროცესში ჩართულ უწყებებს შორის ეფექტიანი კოორდინაციის მნიშვნელობას.

„ბაკურ აბულაძის განაცხადებით, ფულის გათეთრების წინააღმდეგ ბრძოლა კომპლექსურ ხასიათს ატარებს და ამ პროცესში ჩართულნი არიან სხვადასხვა კომპეტენტური ორგანოები, რომლებიც მნიშვნელოვან როლს ასრულებენ დანაშაულის პრევენციის, მონიტორინგის, გამოვლენის, გამოძიების და სისხლისსამართლებრივი დევნის პროცესში.

უწყებათაშორისი სამუშაო ჯგუფი, ფულის გათეთრების დანაშაულის წინააღმდეგ ბრძოლის ეფექტიანობის ზრდის და აღნიშნული დანაშაულის წინააღმდეგ ბრძოლაში ჩართულ კომპეტენტურ უწყებებს შორის კოორდინაციისა და თანამშრომლობის მექანიზმების გაუმჯობესების მიზნით, საქართველოს გენერალური პროკურორის ბრძანებით შეიქმნა.

სამუშაო ჯგუფი საქართველოს პროკურატურის სტრუქტურული დანაყოფების, შინაგან საქმეთა სამინისტროს, სახელმწიფო უსაფრთხოების სამსახურის, ფინანსთა სამინისტროს საგამოძიებო სამსახურის და საქართველოს ფინანსური მონიტორინგის სამსახურის წარმომადგენლებისაგან შედგება.

უწყებათაშორისი სამუშაო ჯგუფის მიზანია გაფართოებული შეხვედრების ფორმატში იმსჯელოს ფულის გათეთრების დანაშაულის წინააღმდეგ ბრძოლის ეფექტიანობის ზრდისთვის ისეთ მნიშვნელოვან საკითხებზე, როგორებიცაა საქართველოში გავრცელებული ფულის გათეთრების დანაშაულის ტიპოლოგიების ანალიზი, მაღალი რისკების სფეროების იდენტიფიცირება, არსებული ეროვნული და საერთაშორისო რეკომენდაციები და მათი იმპლემენტაციის პროცესი, პრაქტიკული მაგალითების განხილვის პრინციპით დაგროვილი პრაქტიკის განზოგადება და ამ დანაშაულის გამოძიების/დევნის საკითხებზე ერთგვაროვანი პრაქტიკის დანერგვა.

ფულის გათეთრების დანაშაულის წინააღმდეგ ბრძოლის ეფექტიანობის ზრდა საქართველოს გენერალური პროკურატურის პრიორიტეტულ მიმართულებას წარმოადგენს. ამ მიზნით პროკურატურის მიერ სისტემატურად ხორციელდება სხვადასხვა სახის აქტივობები.

აღსანიშნავია, რომ ევროპის საბჭოს ფულის გათეთრებისა და ტერორიზმის დაფინანსების წინააღმდეგ მიმართულ ღონისძიებათა შემფასებელ რჩეულ ექსპერტთა კომიტეტის (Moneyval) მიერ საქართველოს მეხუთე რაუნდის შეფასების პროცესში, საქართველოს პროკურატურის მიერ ფულის გათეთრების წინააღმდეგ ბრძოლის ეფექტიანობის გაზრდის მიზნით გატარებული ღონისძიებები, ასევე, ფულის გათეთრების გამოძიებისა და სისხლისსამართლებრივი დევნის კუთხით არსებული სტრატეგია პოზიტიურად შეფასდა“, - აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია