რუსეთმა და ჩინეთმა გაეროს უშიშროების საბჭოს სხდომაზე ისრაელი-"ჰამასის" კონფლიქტთან დაკავშირებით ამერიკის შეერთებული შტატების რეზოლუციას ვეტო დაადეს. ამის შესახებ ინფორმაციას CNN ავრცელებს.

მედიის ცნობით, შეერთებული შტატების რეზოლუცია ღაზას სექტორში დახმარების შეტანის უზრუნველყოფის მიზნით, „ჰუმანიტარული პაუზის" აუცილობლობას უსვამდა ხაზს. რეზოლუციაში ასევე აღნიშნული იყო, რომ ქვეყნებს აქვთ თავდაცვის უფლება, თუმცა საუბარი არ იყო ცეცხლის შეწყვეტაზე. 

რუსეთთან და ჩინეთთან ერთად, რეზოლუციას მხარი არ დაუჭირა არაბთა გაერთიანებულმა საამიროებმა. მომხრე იყო 10 წევრი, ხოლო 2-მა თავი შეიკავა.

გაეროში აშშ-ის ელჩმა, ლინდა თომას-გრინფილდმა განაცხადა, რომ ვეტოს გამო "ღრმად იმედგაცრუებულია".

სხდომაზე კენჭი უყარეს რუსეთის მიერ წარდგენილ რეზოლუციასაც, რომელმაც დამტკიცებისთვის საჭირო ხმების მინიმალური რაოდენობა ვერ მოიპოვა. რუსეთის რეზოლუციაში ნათქვამი იყო, რომ აუცილებელია ცეცხლის შეწყვეტა და გასულ კვირას წარდგენილი პროექტისგან განსხვავებით მითითებული იყო, რომ "ჰამასის" თავდასხმებს გმობენ.

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა