ევროპარლამენტის პრეზიდენტი რობერტა მეცოლა გამოდის ინიციატივით, რომ უკრაინელი და მოლდოველი კანონმდებლები ასამბლეას შეუერთდნენ, როგორც დამკვირვებელი წევრები იქამდე, სანამ ორი ქვეყანა ევროკავშირში ოფიციალურ გაწევრიანებას ელოდება. აღნიშნულის შესახებ რობერტა მეცოლამ POLITICO-სთან ინტერვიუში განაცხადა.

მეცოლას თქმით, თუ ქვეყანა ევროპისკენ პოლიტიკურად იხედება, მაშინ ევროპამ "კარები ფართოდ უნდა გააღოს".

"არ დავუშვათ შეცდომა: თუ ქვეყანა პოლიტიკურად ევროპისკენ იყურება, მაშინ ევროპამ კარები ფართოდ უნდა გააღოს. [...] ჩვენ შეგვიძლია, კიდევ უფრო შორს წავიდეთ, ამ პარლამენტში დამკვირვებელი წევრები გვყავდეს, ეს არის ის, რაც მნიშვნელოვანია მოსახლეობისთვის. ეს დამოკიდებულია იმაზე, თუ რა მოხდება დეკემბერში", - განაცხადა მეცოლამ.

ამასთან, როგორც ევროპარლამენტის პრეზიდენტმა აღნიშნა, აღნიშნულ საკითხზე ევროპარლამენტის პოლიტიკურ ჯგუფებთან ისაუბრებს და განიხილავს იგივე შეთავაზებას დასავლეთ ბალკანეთის ექვსი კანდიდატი ქვეყნისთვის, რომლებიც ასევე ელოდებიან ევროკავშირში გაწევრიანებას.

აღსანიშნავია, რომ დამკვირვებლის სტატუსი ნიშნავს, რომ დეპუტატები არ მიიღებენ მონაწილეობას კენჭისყრაში და იქნებიან ევროპარლამენტში დანიშნული და არა არჩეული წევრები. თუმცა, მოქმედი წესების მიხედვით, ქვეყნები ევროპარლამენტის საქმიანობაში წარმომადგენლობას მხოლოდ ევროკავშირში ოფიციალურად გაწევრიანების შემდეგ იღებენ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს