ისრაელის პრემიერ-მინისტრის, ბენიამინ ნეთანიაჰუს განცხადებით, ისრაელის ბრძოლა "ჰამასის" წინააღმდეგ, შესაძლოა, ხანგრძლივი აღმოჩნდეს.

როგორც ნეთანიაჰუმ საფრანგეთის პრეზიდენტთან, ემანუელ მაკრონთან ერთად იერუსალიმში გამართულ პრესკონფერენციაზე თქვა, "ჰამასი" ასევე საფრთხეს უქმნის ევროპას.

პრემიერ-მინისტრმა ასევე მოუწოდა ტერორისტულ დაჯგუფება "ჰეზბოლას", არ შეუერთდეს ომს.

"იმედი მაქვს, რომ ისინი გაითვალისწინებენ ჩვენს გაფრთხილებას. წინააღმდეგ შემთხვევაში, ამას საშინელი შედეგები მოჰყვება",- განაცხადა ნეთანიაჰუმ.

თავის მხრივ, საფრანგეთის პრეზიდენტმა, ემანუელ მაკრონმა ისრაელის ტერორისტულ დაჯგუფებებთან ომს "საფრანგეთის ომი" უწოდა.

მანვე "ჰამასის" წინააღმდეგ საბრძოლველად, საერთაშორისო კოალიციის შექმნის აუცილებლობაზეც ისაუბრა.

შეგახსენებთ, საფრანგეთის პრეზიდენტი ემანუელ მაკრონი ისრაელს დღეს, 24 ოქტომბერს ეწვია. ერთდღიანი ვიზიტის ფარგლებში მაკრონი ისრაელის პრეზიდენტ ისააკ ჰერცოგს უკვე შეხვდა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს