„ჰამასის“ მებრძოლებს, რომლებიც ისრაელში შეიჭრნენ, ქიმიური იარაღის დამზადების შესახებ ინსტრუქციები ჰქონდათ, - ამის შესახებ ისრაელის პრეზიდენტმა, ისააკ ჰერცოგმა Sky News-თან ინტერვიუში განაცხადა.

ჰერცოგის თქმით, ტერორისტები ისრაელში, სავარაუდოდ, ქიმიური იარაღის გამოყენებას გეგმავდნენ.

"ეს არის „ალ-ქაიდას“ მასალა. ოფიციალური „ალ-ქაიდას“ მასალა. საქმე გვაქვს ისლამურ სახელმწიფოსთან, „ალ-ქაიდასთან“ და „ჰამასთან“. აი, რამდენად შოკისმომგვრელი სიტუაციაა, როდესაც ჩვენ ვუყურებთ ინსტრუქციებს, რომლებშიც მოცემულია, როგორ უნდა შეიქმნას ერთგვარი არაპროფესიონალური ქიმიური იარაღი ციანიდით", - განაცხადა ისრაელის პრეზიდენტმა.

Sky News-ი ცნობით, ისრაელის თავდაცვის ძალებმა, ინსტრუქცია კიბუც ბეერში დაღუპული მებრძოლის სხეულზე აღმოაჩინეს.

ცნობისთვის, 7 ოქტომბერს ღაზას სექტორიდან ისრაელის სამხრეთით მოულოდნელი სარაკეტო და სახმელეთო იერიში წამოიწყეს. 

თავდასხმაზე პასუხისმგებლობა ისლამისტურმა დაჯგუფება "ჰამასმა" აიღო და ისრაელის წინააღმდეგ ოპერაციის "ალ-აკსას წარღვნა" დაწყების შესახებ განაცხადა. 

იერიშის საპასუხოდ ისრაელის თავდაცვის სამინისტრომ ოპერაცია, სახელწოდებით "რკინის ხმლები" დაიწყო.

8 ოქტომბერს ისრაელს ლიბანის ტერიტორიიდან ცეცხლი გაუხსნა "ჰეზბოლამაც", რასაც ქვეყანამ საარტილერიო იერიშით უპასუხა, რის შემდეგაც ისრაელის უსაფრთხოების კაბინეტმა საომარი მდგომარეობა ოფიციალურად გამოაცხადა და ღაზას სექტორზე არაერთი იერიში მიიტანა.

9 ოქტომბერს ქვეყნის თავდაცვის ძალებმა გაავრცელეს ინფორმაცია, რომ ისრაელმა ღაზას საზღვართან მდებარე ყველა ქალაქზე კონტროლი დაიბრუნა. 

9 ოქტომბერსვე, ისრაელის თავდაცვის მინისტრმა, იოავ გალანტმა ღაზას სექტორის სრული ბლოკირების ბრძანება გასცა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს