2023-10-17 21:36:09, 670 ნახვა
მსოფლიო
გაეროს ცნობით, ღაზას სექტორში, ლტოლვილთა ბანაკში მდებარე სკოლაზე საჰაერო თავდასხმის დროს სულ მცირე ექვსი ადამიანი დაიღუპა
ღაზას სექტორში, ალ-მაღაზის ლტოლვილთა ბანაკში, სკოლის შენობაზე განხორციელებული საჰაერო თავდასხმის დროს სულ მცირე ექვსი ადამიანი დაიღუპა. ამის შესახებ ინფორმაციას „გაეროს დახმარებისა და სამუშაოების სააგენტო პალესტინელი ლტოლვილებისთვის“ ავრცელებს.
გაეროს ორგანიზაციის ცნობით, დაშავებულია ათეულობით ადამიანი და მათი რაოდენობა სავარაუდოდ გაიზრდება.
„ეს აღმაშფოთებელია და კიდევ ერთხელ გამოხატავს უხეშ უგულებელყოფას მშვიდობიანი მოსახლეობის სიცოცხლის მიმართ. ღაზაში არცერთი ადგილი აღარ არის უსაფრთხო, არც გაერო-ს ობიექტები. სულ მცირე 4 000-მა ადამიანმა შეაფარა თავი სკოლაში მოწყობილ თავშესაფარს. მათ არ ჰქონდათ და არ აქვთ სადმე წასასვლელი“, - ნათქვამია განცხადებაში.
ავტორი: ექსპრესნიუსი,
epn.ge (@expressnews.ge)
