2023-09-29 16:22:58, 626 ნახვა
მსოფლიო
პაკისტანში მეჩეთთან აფეთქება მოხდა - არის მსხვერპლი
პაკისტანში, ბელუჯისტანის პროვინციაში მდებარე ერთ-ერთ მეჩეთთან, სადაც მომლოცველები წინასწარმეტყველი მუჰამედის დაბადების დღის აღსანიშნავად შეიკრიბნენ, აფეთქება მოხდა. ამის შესახებ ინფორმაციას CNN ავრცელებს.
CNN-ის ცნობით, აფეთქების შედეგად, სულ მცირე, 52 ადამიანი დაიღუპა, 50-ზე მეტი კი დაშავდა.
ადგილობრივი პოლიცია მიიჩნევს, რომ აფეთქება ტერორისტის მიერ იყო მოწყობილი, თუმცა ამ დრომდე არც ერთ ტერორისტულ დაჯგუფებას მომხდარზე პასუხისმგებლობა არ აუღია.
პროვინციაში საგანგებო მდგომარეობაა გამოცხადებული.
ავტორი: ექსპრესნიუსი,
epn.ge (@expressnews.ge)
