რომის პაპ პიუს XII-ს მეორე მსოფლიო ომის დროს შესაძლოა ჰქონოდა დეტალური ინფორმაცია გერმანიის მიერ ოკუპირებულ პოლონეთში ებრაელებისა და პოლონელების დევნის შესახებ. ეს ძირს უთხრის ვატიკანის არგუმენტს იმის თაობაზე, რომ კათოლიკურ ეკლესიას არ შეეძლო ნაცისტების სისასტიკეში დიპლომატიური ცნობების გადამოწმება.

წერილი ვატიკანის არქივისტმა ჯოვანი კოკომ აღმოაჩინა. პიუს XII-ის მდივნის რობერტ ლეიბერის მიმოწერას სანდო გერმანელ იეზუიტ ლოთარ კოენიგთან იტალიურ გაზეთ Corriere della Sera აქვეყნებს.

1942 წლის 14 დეკემბრით დათარიღებულ წერილში კოენიგი მიმართავს ლეიბერს, როგორც მეგობარს და იუწყება, რომ ნაცისტები ყოველდღე კლავენ ექვს ათასამდე ადამიანს ბელზეკის სიკვდილის ბანაკში - პოლონელებს და ებრაელებს ქალაქ რავა რუსკადან. ომამდე ქალაქი მდებარეობდა პოლონეთის ტერიტორიაზე, ახლა ეს არის უკრაინის ლვოვის რეგიონი.

წერილში კოენიგი, თავისი და წინააღმდეგობის წევრების სიცოცხლის შიშით, ასევე სთხოვს წმინდა საყდარს, არ გაასაჯაროოს მისი გზავნილი.

Corriere della Sera წერს, რომ არქივიდან მიღებული დოკუმენტი, სავარაუდოდ, კიდევ უფრო გაამძაფრებს დებატებს პიუსზე  ეჭვგარეშეა, რომ ვატიკანმა მიიღო მრავალი ცნობა ნაცისტების სისასტიკეში, მაგრამ რომის პაპმა ამჯობინა გაჩუმება ან ზოგადი სიტყვებით შემოიფარგლა, - წერს გაზეთი.

ამასთან, პიუს XII-ის მომხრეები თვლიან, რომ მას არ შეეძლო გადამწყვეტად დაუპირისპირდეს ნაცისტებს რეპრესიების შიშით.

პიუს XII ხელმძღვანელობდა კათოლიკურ ეკლესიას 1939 წლის მარტიდან 1958 წლის ოქტომბრამდე.

ავტორი: ექსპრესნიუსი,

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება