საქართველოს ეროვნული გმირის, გიორგი ანწუხელიძის სტენსილი თბილისის ქუჩებში ისევ გამოჩნდა. სამოქალაქო აქტივისტებმა ეროვნული გმირის გამოსახულება ქუჩებში ისევ დააბრუნეს.

მოძრაობა, "რუსეთი ოკუპანტიას" ცნობით, ანწუხელიძის სტენსილს დასუფთავების სამსახური შლიდა და პოლიცია მათ იცავდა. გვერდი შესაბამის ფოტოსაც ავრცელებს.

"არასოდეს დანებდე" - ეს გიორგი ანწუხელიძის მთავარი დანაბარებია, რომელიც მის სტენსილს თან ახლავს. ნახატი "რუმსის" კედელზე თავად სასტუმროს ადმინისტრაციის ნებართვით იყო დატანილი.

გიორგი ანწუხელიძე იყო საქართველოს შეიარაღებული ძალების სამხედრო მოსამსახურე, IV ქვეითი ბრიგადის, 41-ე ბატალიონის უმცროსი სერჟანტი. 2008 წლის რუსეთ-საქართველოს ომის დროს, ტყვედ ჩავარდნილი, წამების შემდეგ მოკლეს ოსმა სეპარატისტებმა. გარდაცვალების შემდეგ მიენიჭა საქართველოს ეროვნული გმირის წოდება.

ავტორი: ექსპრესნიუსი,

სოციალური ქსელები

პუტინის წარმომადგენელი კირიენკო აფხაზეთში ჩავიდა, მან აფხაზი სეპარატისტების მემორიალი შეამკო

კიევზე რუსული საჰაერო დარტყმის შედეგად დაღუპულთა რიცხვი 13-მდე გაიზარდა

კუსტარული ნარკოლაბორატორია აღმოვაჩინეთ, ამოღებულია 7 კგ-მდე ნარკოტიკი - შსს [VIDEO]

უკრაინამ ნიჟნი ნოვგოროდის ოლქში ნავთობგადამამუშავებელ ქარხანას დაბომბა, რომელიც მოსკოვს საწვავით ამარაგებს