2023-08-06 12:34:36, 890 ნახვა
საზოგადოება
შოვში დაღუპულთა რიცხვი 18-მდე გაიზარდა
შოვში, სტიქიის ზონაში მაშველებმა კიდევ ერთი ადამიანის ცხედარი იპოვეს. აღნიშნული ინფორმაცია "ექსპრესნიუსს" შინაგან საქმეთა სამინისტროს საგანგებო სიტუაციების მართვის სამსახურში დაუდასტურეს.
ამ დროისთვის არსებული ოფიციალური მონაცემებით, სტიქიის ზონაში დაღუპულთა რიცხვი 18-მდე გაიზარდა.
შოვში სამაშველო ღონისძიებები მეოთხე დღეა მიმდინარეობს.
შეგახსენებთ, შოვში, სასტუმრო „სანსეტ შოვის“ მახლობლად მეწყერი 3 აგვისტოს, დაახლოებით, 16:00 საათისთვის ჩამოწვა. შსს-ის ცნობით, სტიქიის ზონიდან ჯამში 200-ზე მეტი ადამიანია გამოყვანილი, 18 კი დაკარგულად მიიჩნევა. 7 აგვისტო საქართველოში გლოვის დღედ გამოცხადდა.
ავტორი: ექსპრესნიუსი,
epn.ge (@expressnews.ge)
