ჩვენ გავაგრძელებთ შემდგომი ნაბიჯების მონიტორინგს,- ასე პასუხობენ ამერიკის შეერთებული შტატების სახელმწიფო დეპარტამენტში საქართველო-ჩინეთის სტრატეგიულ პარტნიორობასთან დაკავშირებით დასმულ შეკითხვას.

სახელმწიფო დეპარტამენტის პრესსპიკერის განცხადებით, მნიშვნელოვანია, რომ სტრატეგიული პარტნიორობის ფარგლებში, ყველა ატივობა გამჭვირვალედ და კანონის უზენაესობის შესაბამისად შესრულდეს. 

"არაფერი გვაქვს საწინააღმდეგო საქართველოში სხვა ქვეყნების, მათ შორის ჩინეთის სახალხო რესპუბლიკის მხრიდან ინვესტირების ან ჩართულობის. ჩვენი შეშფოთება კი დაკავშირებულია შემდეგთან: უნდა დავრწმუნდეთ, რომ ეს აქტივობები განხორციელდება გამჭვირვალედ, კანონის უზენაესობის შესაბამისად, მდგრადი დაფინანსებით და დახმარების მიმღებთა ავტონომიის პატივისცემით, რათა გამოირიცხოს ნებისმიერი სახის პოლიტიკური პირობები. საბოლოო ჯამში, ქვეყნები მიიღებენ საკუთარ სუვერენულ გადაწყვეტილებებს იმის შესახებ, თუ ვისთან სურთ ბიზნესის კეთება ან ინვესტირება. თუმცა ჩინეთის სახალხო რესპუბლიკა ხშირად იძლევა დაპირებებს დიპლომატიური აღიარებების სანაცვლოდ, რომელიც საბოლოოდ შეუსრულებელი რჩება. ჩვენ გავაგრძელებთ შემდგომი ნაბიჯების მონიტორინგს",- განაცხადა სახელმწიფო დეპარტამენტის პრესსპიკერმა გამოცემა "აქცენტის" შეკითხვის პასუხად.

შეგახსენებთ, საქართველომ და ჩინეთმა სტრატეგიული პარტნიორობის დამყარების შესახებ რამდენიმე დღის წინ, პრემიერ-მინისტრ ირაკლი ღარიბაშვილის ჩინეთის სახალხო რესპუბლიკაში ვიზიტის ფარგლებში განაცხადეს. ორმა ქვეყანამ აღნიშნულთან დაკავშირებით ერთობლივი განცხადებაც გამოაქვეყნა.

ავტორი: ექსპრესნიუსი,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი