ესეც ერთ-ერთი სამარცხვინო ინციდენტია,- ასე ეხმაურება საქართველოს პარლამენტის თავმჯდომარე შალვა პაპუაშვილი სპეციალური პენიტენციური სამსახურის განცხადებას, რომლის მიხედვითაც, პოლონელი ექიმი ექსპრეზიდენტ მიხეილ სააკაშვილისგან აღებული ნიმუშის გატანას მალულად, ფეხსაცმლის მეშვეობით ცდილობდა.

როგორც პაპუაშვილმა მედიის წარმომადგენლებს უთხრა, ხელისუფლების ნდობა ბოროტად გამოიყენეს.

"გაუგებარია, საერთოდ რა ქცევა იყო ეს. საქართველოს ხელისუფლებამ მათ შორის ანგარიში გაუწია იმ მდგომარეობას, რომ თუკი საჭირო იყო, კიდევ ვინმე დარწმუნებულიყო, რომ მიხეილ სააკაშვილისთვის სათანადოდ არის სამედიცინო სერვისები მიწოდებული, მიეცა კიდევ ამის შესაძლებლობა. ეს ნდობა ბოროტად გამოიყენეს, სამწუხაროდ. ეს არ არის ჩვეულებრივი ჯგუფი, ეს გახლავთ პოლონეთის მთავრობასთან არსებული სპეციალური სამედიცინო ჯგუფი და როდესაც ასე ბოროტად გამოყენება ხდება ამ ნდობისა და კეთილგანწყობის, ეს, რა თქმა უნდა, სამწუხაროა",- თქვა პაპუაშვილმა.

ცნობისთვის, გუშინ, 14 ივლისს სპეციალურმა  პენიტენციურმა სამსახურმა მესამე პრეზიდენტთან, მიხეილ სააკაშვილთან პოლონელი ექიმების ვიზიტთან დაკავშირებით განცხადება და ვიდეოკადრები გაავრცელა. განცხადების თანახმად, ვიზიტის განმავლობაში, ერთ-ერთი პოლონელი ექიმისგან ადგილი ჰქონდა "გაუგებარ ინციდენტს", კერძოდ მსჯავრდებულ მიხეილ სააკაშვილისგან აღებული ნიმუში პოლონელმა ექიმმა გადაახვია ქაღალდში და მის მალულად გატანას ფეხსაცმლის მეშვეობით ცდილობდა.

ავტორი: ექსპრესნიუსი,

სოციალური ქსელები

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის