ლისის ტბის მიმდებარე ტერიტორიაზე, სადაც "პრაიდ ფესტივალია" დაგეგმილი, ვითარება დაიძაბა.

"თბილისი პრაიდის" მოწინააღმდეგეებმა გაარღვიეს პოლიციის კორდონის ერთი ნაწილი და ცდილობენ, გადაინაცვლონ იმ ტერიტორიაზე, სადაც "პრაიდ ფესტივალია" დაგეგმილი. 

სამართალდამცველებმა რამდენიმე პირი ტერიტორიიდან გაიყვანეს.

ადგილზე, საპატრულო და კრიმინალურ პოლიციასთან ერთად, სპეციალური დანიშნულების რაზმია მობილიზებული.

ცნობისთვის, გუშინ, 7 ივლისს "თბილისი  პრაიდმა" გაავრცელა განცხადება, რომელშიც ნათქვამი იყო, რომ დღეს, ქუჩის მსვლელობა არ ჩატარდება, ფესტივალი კი გაიმართება კერძო, დახურულ ტერიტორიაზე, დარეგისტრირებული სტუმრებისთვის და მას საგანმანათლებლო, კულტურული და სოციალური ხასიათი ექნება.

გუშინვე განცხადება გაავრცელა შინაგან საქმეთა სამინისტრომაც და აღნიშნა, რომ ღონისძიების მშვიდ ვითარებაში ჩასატარებლად, პოლიციის დანაყოფები ყველა საჭირო ლოკაციაზე იქნებიან მობილიზებულები.

ავტორი: ექსპრესნიუსი,

სოციალური ქსელები

ივნისში წლიური ინფლაციის დონემ 5.8% შეადგინა - საქტატი

ევროკავშირის ახალი ინიციატივები აზერბაიჯანისთვის და სომხეთისთვის, საქართველო ბორტს მიღმაა

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90