2023-06-24 21:45:36, 1644 ნახვა
მსოფლიო
პრიგოჟინი აცხადებს, რომ „ვაგნერი“ უკან იხევს
კერძო სამხედრო დაჯგუფება „ვაგნერი" უკან იხევს და საველე დისლოკაციის ადგილს უბრუნდება. ამის შესახებ თავად „ვაგნერის" მფლობელმა, ევგენი პრიგოჟინმა მორიგი აუდიომიმართვის დროს განაცხადა.
როგორც პრიგოჟინმა აღნიშნა, "დღევანდელმა დღემ წარმატებულად ჩაიარა და მის მებრძოლებს ვერავინ დაჩაგრავს".
„მათ „ვაგნერის” კერძო სამხედრო კომპანიის დაშლა სურდათ. მოსკოვამდე 200 კმ-ში ვართ. გაცნობიერებული გვაქვს მთელი პასუხისმგებლობა იმის გამო, რომ რუსული სისხლი დაიღვრება ერთ-ერთ მხარეს, ჩვენ ვტრიალდებით და საპირისპირო მიმართულებით საველე ბანაკებში ვბრუნდებით გეგმის შესაბამისად", - აცხადებს პრიგოჟინი.
ავტორი: ექსპრესნიუსი,
epn.ge (@expressnews.ge)
