ФСБ რუსეთის უსაფრთხოების ფედერალური სამსახური  "მოუწოდებს" ვაგნერის მებრძოლებს არ დაემორჩილონ პრიგოჟინის ბრძანებებს და დააკავონ იგი. 

„მოვუწოდებთ კერძო სამხედრო დანაყოფის მებრძოლებს, არ დაუშვან გამოუსწორებელი შეცდომა, შეწყვიტონ ყოველგვარი ძალადობრივი ქმედება რუსი ხალხის წინააღმდეგ, არ შეასრულონ პრიგოჟინის კრიმინალური და მოღალატური ბრძანებები და მიიღონ ზომები მის დასაკავებლად“, - აცხადებენ ФСБ-ს საზოგადოებასთან ურთიერთობის ცენტრში.

ამასთან რუსეთის საჰაერო კოსმოსური ძალების მთავარსარდალმა გენერალმა სუროვიკინმა ჩაწერა ვიდეო მიმართვა ვაგნერის მებრძოლებისადმი.

„მოგიწოდებთ შეჩერდეთ, მტერი მხოლოდ შიდაპოლიტიკური ვითარების გაუარესებას ელოდება ჩვენს ქვეყანაში. ქვეყნისთვის ამ რთულ პერიოდში მტრის ხელში თამაში შეუძლებელია.

ჩვენ ერთი სისხლიანი ვართ, მეომრები ვართ, მტერი ქვეყანაში შიდაპოლიტიკური მდგომარეობის გაუარესებას ელოდება, მტრის ხელში თამაში არ შეიძლება“. - სამხედრო კორესპონდენტმა რუდენკომ გამოაქვეყნა არმიის გენერალ სერგეი სუროვიკინის მიმართვა.

რუსეთის უშიშროების ფედერალურმა სამსახურმა აღძრა სისხლის სამართლის საქმე შეიარაღებული აჯანყების წაქეზების ფაქტზე. ამის შესახებ TASS და RIA Novosti ეროვნული ანტიტერორისტული კომიტეტის (NAC) დაყრდნობით იუწყებიან.

რუსეთის ანტიტერორისტულმა კომიტეტმა მოითხოვა, რომ პრიგოჟინმა შეწყვიტოს უკანონო ქმედებები.

კერძო სამხედრო დაჯგუფება "ვაგნერის" ხელმძღვანელმა, ევგენი პრიგოჟინმა რუსეთის თავდაცვის სამინისტრო ვაგნერის ბანაკებზე სარაკეტო თავდასხმაში დაადანაშაულა. 

როგორც პრიგოჟინმა აღნიშნა, რუსეთის მხრიდან განხორციელებული სარაკეტო თავდასხმების შედეგად "ვაგნერის" რიგები ბევრი მსხვერპლია და საპასუხო ზომებზე გადაწყვეტილება უკვე მიღებულია.

ევგენი პრიგოჟინი ამტკიცებს, რომ რუსეთის თავდაცვის მინისტრი სერგეი შოიგუ როსტოვში ჩავიდა "ვაგნერიტებზე" დარტყმისთვის.

რუსეთის თავდაცვის სამინისტრომ "ვაგნერის" ბანაკებზე სარაკეტო თავდასხმის შესახებ ინფორმაციას "საინფორმაციო პროვოკაცია" უწოდა.

ავტორი: ექსპრესნიუსი,

სოციალური ქსელები

უკრაინული რაკეტები ამჟამად რუსეთის რეგიონების ნახევარზე მეტს აღწევენ

Bloomberg: რუსეთის უმდიდრესი ადამიანების ქონება წლის დასაწყისიდან 4.82 მილიარდი დოლარით გაიზარდა

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ