გვამის სუნი რომ ასდიოდა მიშას, ახლა ამ პროცესს რისი სუნი ასდის?,- ასე ეხმაურება „ქართული ოცნების“ დეპუტატი ალუდა ღუდუშაური საქართველოს მესამე პრეზიდენტის, მიხეილ სააკაშვილის განცხადებას ქართულ პოლიტიკაში დაბრუნების შესახებ.

ღუდუშაურის თქმით, კანონპროექტი, რომლითაც მოქალაქეობის მიღება მარტივდება სააკაშვილს არ შეეხება.

"მე უბრალოდ მაინტერესებს, იქნებ გადასცეთ იმ ადამიანებს, ის პირები - პოლიტიკოსები, იურისტები, ექსპერტები, ექიმები ა.შ. დღე-დღეზე რომ კვდებოდა, აპოკალიფსი, რომ ხდებოდა, არაამქვეყნიური დაავადებები რომ სჭირდა, საქართველოს პოლიტიკა რომ აღარ აინტერესებდა, გვამის სუნი რომ ასდიოდა, ახლა ყველა თქვენ მედიის წარმომადგენლებს მე გთხოვდით და მოგიწოდებდით, ჰკითხოთ ამ ადამიანებს, ზოგადად, ამ პროცესს რისი სუნი ასდის. ზოგადად, თქვენს ამ მოქმედებას რისი სუნიც ასდის, ეს ხომ ქართველმა ხალხმა დიდი ხანია კარგად იცის. შესაბამისად, აპატრეიდი პრეზიდენტი სააკაშვილი არ ბრძანდება, მას აქვს უკრაინის პასპორტი, ის არის მსჯავრდადებული და შესაბამისად, როგორც კანონმდებლობა ითვალისწინებს, ისე იქნება მსჯავრდადებულთან საკითხები გადაწყვეტილი",- განაცხადა ღუდუშაურმა.

შეგახსენებთ, 16 ივნისს, საქართველოს მესამე პრეზიდენტმა, მიხეილ სააკაშვილმა გაავრცელა განცხადება, რომ მიუხედავად ჯანმრთელობის მდგომარეობისა, აპირებს აქტიურად ჩართვას ქართულ პოლიტიკაში, უკრაინაში ჩართულობის პარალელურად.

ავტორი: ექსპრესნიუსი,

სოციალური ქსელები

ვეტერანი სენატორი, რესპუბლიკელი ლინდსი გრემი გარდაიცვალა

ჩერგოლეიშვილი – ღნავიან, სასამართლოს დაწვის ამოცანით შენობაში შეჭრილ ელისაშვილს ამდენი წელი რატომ მიუსაჯესო, ამ უპასუხისმგებლო არსების ჰეროიზაციას ახდენენ

წინასწარ შემიძლია ვთქვა, რომ ზარალი იქნება დიდი – კახეთის რწმუნებული ადიდებულ მდინარეზე

თელავში უხვი ნალექის შედეგად დაიტბორა საცხოვრებელი სახლებისა და შენობების პირველი სართულები