საქართველოს პრეზიდენტი სალომე ზურაბიშვილი აცხადებს, რომ ყოველთვის მზად იყო და დღესაც მზად არის, უკრაინაში ჩავიდეს. ამის შესახებ მეხუთე პრეზიდენტმა "უკრაინასკაია პრავდასთან" ინტერვიუში ისაუბრა.

ჟურნალისტის შეკითხვას, ბევრი დასავლელი ლიდერი ჩავიდა უკრაინაში სოლიდარობის გამოსახატად, მაგრამ თქვენ არ ხართ ნამყოფი უკრაინაში ომის დაწყების შემდეგ, რატომ? - ზურაბიშვილმა ასე უპასუხა:

"მე ყოველთვის მზად ვიყავი ჩამოსასვლელად და დღესაც მზად ვარ. ასე რომ, თუ გადასცემთ ჩემს გზავნილს, შემიძლია, ხვალვე ჩამოვიდე".

კითხვაზე, რა არის მიზეზი, რის გამოც პრეზიდენტმა, ვოლოდიმირ ზელენსკიმ ის არ მიიწვია კიევში, პრეზიდენტმა თქვა:

"ეს არ არის პირადი და ვფიქრობ, ეს არის ის, რაც ჩვენ აღვწერეთ, როგორც ამ ეტაპზე არცთუ დამაკმაყოფილებელ ურთიერთობას სამთავრობო წრეებს შორის. 

ასე რომ, გარკვეულწილად ვგრძნობ მის შედეგებს, მაგრამ ისევ მზად ვარ და დარწმუნებული ვარ, რომ შესაძლებლობა გვექნება. იმედი მაქვს, რომ ასეთი შესაძლებლობა ყირიმის პლატფორმაზე გაჩნდება". 

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა