2023-05-31 15:08:57, 787 ნახვა
საზოგადოება
ბორჯომში სამხედროებმა გამწვანების აქციაში „ტყის ბუნებრივი განახლება“ მიიღეს მონაწილეობა
საქართველოს თავდაცვის სამინისტროს ინიციატივითა და ეროვნული სატყეო სააგენტოს მხარდაჭერით, ბორჯომის ხეობაში ტყის განახლების ხელშეწყობის მიზნით გამწვანების აქცია მოეწყო.
თავდაცვის სამინისტროს ცნობით, ხანძრის შედეგად სრულად განადგურებულ 250 ჰექტარზე აქციის ფარგლებში სამხედრო მოსამსახურეებმა და სატყეო სააგენტოს თანამშრომლებმა 250 კავკასიური ფიჭვის ნერგი დარგეს.
უწყების ინფორმაციით, ტყის განაშენიანების აქციაში მონაწილეობდნენ ეროვნული გვარდიის რეზერვისტები, აღმოსავლეთის სარდლობის პირველი ქვეითი ბრიგადის სამხედრო მოსამსახურეები და ეროვნული სატყეო სააგენტოს თანამშრომლები. აქციის მიზანი ხანძრის შედეგად განადგურებული ტყის აღდგენაა.
ავტორი: NS (სტატია დაფინანსებულია),
epn.ge (@expressnews.ge)
