უკრაინის პრეზიდენტი ვოლოდიმირ ზელენსკი მოულოდნელი ვიზიტით ფინეთში ჩავიდა. აღნიშნულის შესახებ ინფორმაციას უკრაინული მედია ავრცელებს.

მედიის ცნობით, ზელენსკი ჰელსინკიში ფინეთის პრეზიდენტს, საული ნიინისტოს შეხვდება და შემდეგ ორი ქვეყნის ლიდერი ერთობლივ პრესკონფერენციას გამართავს.

ფინეთის პრეზიდენტის ოფისის განცხადებით, შეხვედრაზე პრეზიდენტები უკრაინის მხარდაჭერას რუსეთის აგრესიისგან თავდაცვაში, ორმხრივ ურთიერთობებსა და შექმნილ გეოპოლიტიკურ ვითარებას განიხილავენ. 

მათივე ცნობით, პრეზიდენტები მონაწილეობას მიიღებენ უკრაინულ-სკანდინავიურ სამიტში, რომელშიც ასევე მონაწილეობას მიიღებენ შვედეთის, ნორვეგიის, დანიისა და ისლანდიის პრემიერ-მინისტრები.

ლიდერების შეხვედრაზე ისაუბრებენ უკრაინაში არსებულ საომარ ვითარებაზე, უკრაინის მხარდაჭერაზე, უკრაინის ევროპული და ევროატლანტიკური ინტეგრაციის პერსპექტივაზე, უკრაინის "მშვიდობის ფორმულის" შესრულებაზე. ზელენსკი ჩრდილოეთ ევროპის ლიდერებთან ორმხრივ მოლაპარაკებებსაც გამართავს.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს