2023-03-30 17:17:00, 1999 ნახვა

---

ადვოკატის განცხადებით, სქესობრივ დანაშაულში ბრალდებული მამაკაცის მდგომარეობა კრიტიკულად მძიმეა და საჭიროა მისი სტაციონარში გადაყვანა

შიდა ქართლში არასრულწლოვნის მიმართ სექსუალური ხასიათის ქმედების ბრალდებით დაკავებული 63 წლის მამაკაცი სამედიცინო დაწესებულებაში გადაჰყავთ. ბრალდებულის უფლებადამცველის, თამარ თედლიაშვილის განცხდებით, მამაკაცის მდგომარეობის დამძიმება, სავარაუდოდ, გულის პრობლემებს უკავშირდება.

როგორც თედლიაშვილმა "ტვ პირველთან" საუბრისას აღნიშნა, სქესობრივ დანაშაულში ბრალდებული ცუდად წინასწარი დაკავების იზოლატორში, ბრალის წარდგენამდე გახდა.

"გამომძიებელთან ერთად გამოვცხადდი დროებითი მოთავსების იზოლატორში, რათა მომხდარიყო ჩემი დაცვის ქვეშ მყოფისთვის ბრალის წარდგენა, თუმცა აღმოჩნდა, რომ მისი მდგომარეობა არის კრიტიკულად მძიმე და გარდაუვალია და აუცილებელი მისი სტაციონარში გადაყვანა. როგორც ჩემთვის ცნობილია, ჯანმრთელობის მდგომარეობის გაუარესება ეხება გულის პრობლემებს და მე დარწმუნებული ვარ, რომ ეს გამომდინარეობს იმ სტრესიდან, რომელი სტრესიც, ნერვიულობაც და ფაქტობრივად, დარტყმაც ამ ადამიანმა მიიღო ცრუ დასმენიდან გამომდინარე", - აცხადებს თამარ თედლიაშვილი.

შეგახსენებთ, 60 წელს გადაცილებულ მამაკაცს არასრულწლოვნის მიმართ სექსუალური ხასიათის ქმედების ჩადენას ედავებიან. შინაგან საქმეთა სამინისტრომ მომხდართან დაკავშირებით გამოძიება დაიწყო საქართველოს სისხლის სამართლის კოდექსის 138-ე მუხლით, რაც არასრულწლოვნის მიმართ სექსუალური ხასიათის ქმედებას გულისხმობს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი