სტიქიის ზონის 10 პროვინციაში სამძებრო-სამაშველო და ჰუმანიტარულ სამუშაოებში 141 ათასზე მეტი ადამიანია ჩართული, მათ შორის მაშველები საზღვარგარეთიდან. ამის შესახებ თურქეთის პრეზიდენტმა რეჯეფ თაიფ ერდოღანმა განაცხადა.

სახელმწიფოს მეთაურმა მადლობა გადაუხადა ყველას, ვინც ხელს უწყობს ქვეყნის სამხრეთში დამანგრეველი მიწისძვრების შედეგების აღმოფხვრას.

თურქეთის ლიდერმა ხაზგასმით აღნიშნა, რომ სახელმწიფო მზადაა მხარი დაუჭიროს სტიქიით დაზარალებულ მოქალაქეებს.

მან სტიქიის ზონის მოსახლეობას მოუწოდა, მიწისძვრის შედეგების აღმოფხვრაში სახელმწიფოს სრული ნდობა დაეკისროს.

თურქეთის პრეზიდენტის თქმით, სტიქიის ზონის ოჯახების მფლობელებს თვეში 5000 თურქულ ლირას გადაუხდიან, ხოლო ვინც საცხოვრებელს ქირაობს 2000 ლირას.

სახელმწიფოს მეთაურმა განაცხადა, რომ მიწისძვრის შედეგად დაღუპულთა რიცხვმა, რომლის ეპიცენტრი იყო თურქეთის კაჰრამანმარასში, 19 388 ადამიანს მიაღწია, ხოლო ქვეყნის 77 711 მაცხოვრებელი დაზარალდა.

საქართველოს შინაგან საქმეთა სამინისტროს საგანგებო სიტუაციების მართვის სამსახურის მეხანძრე-მაშველები თურქეთის რესპუბლიკაში მომხდარი მიწისძვრის შედეგების სალიკვიდაციო და სამაშველო ღონისძიებებს უწყვეტ რეჟიმში ახორციელებენ.

ინტენსიური და რთული სამაშველო ღონისძიების შედეგად, ქართველი მეხანძრე -მაშველების მიერ ნანგრევებში მოყოლილი სამი ადამიანია გადარჩენილი, მათ შორის ნანგრევებში მოყოლილი ერთი მოქალაქე მაშველმა ძაღლმა აღმოაჩინა.

ავტორი: ექსპრესნიუსი,

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა