2023-01-23 09:08:32, 1476 ნახვა
ომი უკრაინაში
უკრაინა მიიღებს ყველა საჭირო დახმარებას - ბაიდენი Leopard 2-ის ტანკების მიწოდებაზე
აშშ-ის პრეზიდენტი ჯო ბაიდენი უკრაინისთვის Leopard 2-ის ტანკების მიწოდების შესახებ გერმანიის მიღებულ გადაწყვეტილებას გამოეხმაურა.
დასმული შეკითხვის საპასუხოდ, ბაიდენმა აღნიშნა, რომ უკრაინა მიიღებს ყველა საჭირო სამხედრო დახმარებას რუსი ოკუპანტების დასამარცხებლად.
"უკრაინა მიიღებს ყველა საჭირო დახმარებას", - თქვა ბაიდენმა.
შეგახსენებთ, რომ 20 იანვარს რამშტეინის საავიაციო ბაზაზე შეხვედრის შემდეგ გამოცხადდა, რომ გერმანია უკრაინას Leopard 2-ის ტანკებს არ გადასცემდა. გერმანიის თავდაცვის მინისტრმა ბორის პისტორიუსმა განაცხადა, რომ დასავლელმა მოკავშირეებმა აღნიშნულ საკითხთან დაკავშირებით ერთიანი გადაწყვეტილება ვერ მიიღეს და დასძინა, რომ მისი ქვეყანა არ ბლოკავს ამ გადაწყვეტილებას, ხოლო დისკუსიები გრძელდება.
ავტორი: ექსპრესნიუსი,
epn.ge (@expressnews.ge)
