რაც არ უნდა პარადოქსული იყოს, ერთი და იგივე ფოტოთი და სათაურით იძებნება უცხოურ მედიაში სტატიები. ეს იმას ნიშნავს, რომ პიარ კამპანია ლობისტების მიერ დაიგეგმა და ხორციელდება. ხელშეკრულება შევიდა ძალაში, რომ  ლობირება გაუწიონ  ავადმყოფობის შესახებ კამპანიას, ეს არის და ეს,’’ - ამის შესახებ ,,ქართული ოცნების’’ აღმასრულებელმა მდივანმა მამუკა მდინარაძემ განაცხადა. 

როგორც მდინარაძემ აღნიშნა, საერთაშორისო ლობისტურმა კომპანიამ დაიწყო მიხეილ სააკაშვილის ავადმყოფობის ლობირება, ამის არგუმენტად მან საერთაშორისო მედია მოიყვანა, სადაც დღეს, ერთი და იგივე სათაურით და ფოტოთი გავრცელდა ინფორმაცია სააკაშვილის შესაძლო მოწამვლის შესახებ. როგორც მდინარაძემ აღნიშნა, სააკაშვილზე პროფესიონალი ექიმები ზრუნავენ. 

,,მაშინ, სააკაშვილი იყო ციხეში, ახლა არის სამკურნალო დაწესებულებაში. აბსოლუტურად განსხვავებული მოცემულობაა. მის ჯანმრთელობაზე ზრუნავს სამედიცინო პერსონალი და ექიმები. შესაბამისად, დეპუტატების რაღაც ზედმეტი აქტივობა, უმრავლესობის წევრების, იმასთან დაკავშირებით, რომ მაინცდამაინც  შევიდნენ და გაეცნონ მის მდგომარეობას, ასეთი საჭიროება არ დგას. სხვათა შორის, ნახეთ და გახსოვთ, მაშინ, სპეკულაციებს აეხადა ფარდა და სიმართლე იყო განსხვავებული, ვიდრე ამას თქვენი ტელევიზია და თქვენი პარტია ამბობდა. მე ნამდვილად არ ვარ ექიმი, რომ შევაფასო მოცემულობა. მაგალითად, რომელიმე დამნაშავე ადამიანის და მისი ჯანმრთელობის მდგომარეობის. მაგრამ, ჩვენ გვახსოვს, ემპათიის, ასეთი ცენტრი რომ არსებობს, დასკვნა იმის შესახებ, რომ პატიმარი სააკაშვილი აწამეს ციხეში და ამის შედეგად აქვს ტრავმული დაზიანებები. როდესაც არაპროფესიონალი, ამ შემთხვევაში ჩემი სახით, რომელიც შესაძლოა სამედიცინო ტერმინოლოგიაში ვერ ერკვეოდეს კარგად, კითხულობს, ყველა ექიმი არ არის ამ ქვეყანაში, რომ ციხეში აწამეს და ტრავმები განუვითარდა, მაშინ ვაკეთებთ დასკვნას, რომ ეს არის ტყუილი და თავად დასკვნა შესაძლოა იყოს ტყუილზე აგებული. თუმცა, ეს ჩვენი განსასჯელი ნამდვილად არ არის. შესაბამისი კომპეტენცია, ერთი მხრივ, გააჩნიათ ექიმებს და, მეორე მხრივ, გააჩნია სასამართლოს. არც ერთია ჩვენი საქმე და არც მეორე. უბრალოდ, პოლიტიზება არის დაკვეთა, პირდაპირი მტკიცებულება დევს ამის შესახებ ლობისტების მიმართ, რომლებმაც დაიწყეს მოქმედება და აპიარებენ მიხეილ სააკაშვილის ავადმყოფობას. ეს არის და ეს. დანარჩენი სასამართლოს და ექიმების საქმეა,’’ - განაცხადა მდინარაძემ.

ავტორი: NS (სტატია დაფინანსებულია),

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა