საქართველოს მესამე პრეზიდენტის სასჯელისგან გათავისუფლების ან გადავადების საქმეს მოსამართლე გიორგი არევაძე განიხილავს. 

როგორც მიხეილ სააკაშვილის ადვოკატმა, შალვა ხაჭაპურიძემ განაცხადა, ამ საქმეზე ყველა ქმედება იქნება გამადიდებელი შუშის ქვეშ დაკვირვებული და გეგმავენ, სასამართლოდან გამოითხოვონ ჩანაწერები იმის შესახებ, თუ რა პრინციპით მოხდა მოსამართლე არევაძის არჩევა. 

"საქმე დაეწერა მოსამართლე გიორგი არევაძეს, ვიცნობთ ამ მოსამართლეს. რაც შეეხება ვადებს, დაახლოებით 3-15 დღის ვადაში ხდება მასალების გამოთხოვა შუამდგომლობიდან. დღეს მე მექნება განცხადებები, რამდენიმე მასალებს ვითხოვთ, ამიტომ მოგვიწევს მუშაობა და ვნახოთ მსვლელობაში როგორ იქნება. ჩვენმა სასამართლომ, როგორც ჩანს პრინციპით იხელმძღვანელა, კოდექსში წერია,რომ საქმე უნდა განიხილოს მოსამართლემ, რომელმაც განაჩენის გამოტანაზე იმსჯელა. ამ საქმეზე ყველა ქმედება იქნება დიდი გამადიდებელი შუშის ქვეშ დაკვირვებული. ახლა გამოვითხოვთ კომპიუტერულ ჩანაწერებს, რა პრინციპით მოხდა მისი არჩევა",- განაცხადა ადვოკატმა. 

შეგახსენებთ, რომ გუშინ, საქართველოს მესამე პრეზიდენტის, მიხეილ სააკაშვილის სასჯელის მოხდისგან გათავისუფლების ან სასჯელის გადავადებასთან დაკავშირებით, ადვოკატმა სასამართლოს შუამდგომლობით მიმართა. 

შალვა ხაჭაპურიძის განცხადებით, დოკუმენტებში, რომელიც სასამართლოში დილით შეიტანა, აღნიშნულია,  რომ ექსპრეზიდენტს 20 დაავადება აქვს, რომელთაგან უმეტესობა პატიმრობაში ყოფნისას განუვითარდა. 

ავტორი: ექსპრესნიუსი,

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება