2022-11-14 09:20:22, 1143 ნახვა
მსოფლიო
თურქეთის შსს - პირი, რომელმაც სტამბოლის ცენტრში აფეთქება განახორციელა, დაკავებულია
ეჭვმიტანილი, რომელმაც სტამბოლის ცენტრში, ისტიკლალის გამზირზე ბომბი დატოვა და აფეთქება განახორციელა, დაკავებულია,- აღნიშნულის შესახებ თურქეთის შინაგან საქმეთა მინისტრმა, სულეიმან სოილუმ განაცხადა.
მინისტრის თქმით, ტერაქტის ბრძანება ჩრდილოეთ სირიაში მდებარე ქალაქ აინ ალ-არაბიდან გაიცა.
"მამაკაცი, რომელმაც სტამბოლის ისტიკლალის გამზირზე კვირას ბომბი დატოვა, პოლიციამ დააკავა",- განაცხადა მინისტრმა.
შეგახსენებთ, რომ გუშინ სტამბოლის ცენტრში ტერაქტი მოხდა. გავრცელებული ინფორმაციით, თავდამსხმელმა ასაფეთქებელი მოწყობილობა თავად ააწყო და გამზირზე დატოვა.
ტერაქტს 8 ადამიანი ემსხვერპლა, 81 კი დაშავდა. დაშავებულებიდან 50 საავადმყოფოდან უკვე გაწერეს, 5კი რეანიმაციულ განყოფილებაშია.
ავტორი: ექსპრესნიუსი,
epn.ge (@expressnews.ge)
