2022-08-23 11:29:49, 2147 ნახვა
ომი უკრაინაში
პოლონეთის პრეზიდენტი კიევში მესამედ ჩავიდა
პოლონეთის პრეზიდენტი ანჯეი დუდა კიევში ჩავიდა . გავრცელებული ინფორმაციით, ის ყირიმის პლატფორმის მე-2 სამიტში მიიღებს მონაწილეობას.
როგორც პოლონეთის სახელმწიფო მეთაურის პრესსამსახური იტყობინება, ანჯეი დუდა უკრაინაში ვოლოდიმირ ზელენსკის მიწვევით ჩავიდა.
გარდა ამისა, უწყების მიერ გავრცელებულ განცხადებაში ნათქვამია, რომ ვიზიტის ფარგლებში გაიმართება ორმხრივი მოლაპარაკებები პრეზიდენტებსა და დელეგაციებს შორის უკრაინაში არსებულ ვითარებაზე, სამხედრო, ეკონომიკურ და ჰუმანიტარულ განზომილებაში მხარდაჭერასა და ორმხრივ თანამშრომლობაზე.
შეგახსენებთ, რომ რუსეთის შეჭრის შემდეგ, ეს ანჯეი დუდას მესამე ვიზიტია უკრაინაში. მანამდე პოლონეთის პრეზიდენტი კიევში 13 აპრილს და 21-22 მაისს იმყოფებოდა.
ავტორი: ექსპრესნიუსი,
epn.ge (@expressnews.ge)
