პუტინმა ომი სრულიად აბსურდული მიზეზების გამო დაიწყო,- ამის შესახებ გერმანიის კანცლერმა, ოლაფ შოლცმა განაცხადა.

შოლცის თქმით, თებერვალში ომის დაწყებამდე მოლაპარაკებების დროს მან დაარწმუნა პუტინი, რომ უკრაინა არ შეუერთდება ნატოს „მომდევნო 30 წლის განმავლობაში".თუმცა, პუტინს ჰქონდა „სრულიად აბსურდული“ იდეები.

„ნატო არასოდეს ყოფილა საფრთხე რუსეთისთვის”,- განაცხადა შოლცმა.

გარდა ამისა, შოლცი დარწმუნებულია, რომ პურინმა ეს ომი 24 თებერვალს უკრაინაში რუსეთის შეჭრამდე დიდი ხნით ადრე დაგეგმა.

„ეს არის ომი, რომელიც პუტინმა, რუსეთმა დაიწყო, აშკარად მისი მეზობელი ქვეყნის დაპყრობის განზრახვით. ვფიქრობ, ეს იყო თავდაპირველი მიზანი. პუტინს რეალურად ჰქონდა იდეა, რომ ფლომასტერი გადაეტანა ევროპის ლანდშაფტზე და შემდეგ ეთქვა: „ეს ჩემია და ეს შენი”,- დასძინა შოლცმა.

შეგახსენებთ, რომ 24 თებერვლიდან რუსეთი აწარმოებს „სპეციალურ სამხედრო ოპერაციას“ უკრაინის დემილიტარიზაციისა და დენაციფიკაციის მიზნით. ვლადიმერ პუტინმა მის მიზანს უწოდა "ადამიანების დაცვა, რომლებიც რვა წლის განმავლობაში ექვემდებარებოდნენ ბულინგსა და გენოციდს კიევის რეჟიმის მიერ".

რუსეთის მტკიცებით, შეიარაღებული ძალები მხოლოდ სამხედრო ინფრასტრუქტურას და უკრაინულ ჯარებს ურტყამენ. ამასთან თავდაცვის დეპარტამენტში ოპერაციის მთავარ მიზანს დონბასის გათავისუფლება უწოდებენ.

ავტორი: ექსპრესნიუსი,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა