საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი იტალიაში ოფიციალური ვიზიტით იმყოფება. ზურაბ აზარაშვილი რომში, დემოგრაფიულ საკითხებზე გამართულ მინისტერიალში იღებს მონაწილეობას, რომლის მიზანიც ყველა ასაკის პირისთვის თანაბარი შესაძლებლობების უზრუნველყოფაა. 

მაღალი დონის შეხვედრა ევროპისთვის გაეროს ეკონომიკური კომისიის (UNECE)  და იტალიის მთავრობის ორგანიზებით იმართება. 

მინისტერიალზე ზურაბ აზარაშვილი სიტყვით გამოვიდა და აღნიშნა, რომ საქართველომ მნიშვნელოვანი პროგრესი განიცადა ხანდაზმულთა უფლებების, ღირსების და დამოუკიდებლობის დაცვაში.

„საქართველოს მთავრობის პრიორიტეტია უზრუნველყოს ხანდაზმულთათვის ხარისხიანი ჯანდაცვის სერვისები. ასევე მათი აქტიური ჩართულობა სპორტულ და კულტურულ ღონისძიებებში. მთავრობის ძალისხმევით დაინერგა საყოველთაო ჯანდაცვის პროგრამა, რომელიც მთლიანად ფარავს დაუზღვეველ მოსახლეობას, მათ შორის ხანდაზმულ პირებს. 

შრომისუნარიანობის წახალისებისთვის საქართველოს მთავრობამ სხვადასხვა პროგრამები განახორციელა. მათ შორის, საპენსიო ასაკის პირთა დასაქმების ხელშეწყობის მიზნით, კერძო სექტორში მომუშავე ადამიანებს აქვთ პენსიის მიღების შესაძლებლობა.  

ქვეყნის საპენსიო სისტემა სამი სახისაა: ხანდაზმულთა საპენსიო სისტემა, რომელიც ასრულებს სოციალური დახმარების როლს ხანდაზმულთათვის; დაგროვებითი საპენსიო სქემა, რომელიც დასაქმებულის, დამსაქმებლისა და სახელმწიფოს თანამონაწილეობას მოიცავს და კერძო საპენსიო სქემები“, - განახადა ზურაბ აზარაშვილმა.

მინისტრმა მიზნობრივ სოციალური დახმარების პროგრამებზეც გაამახვილა ყურადღება და აღნიშნა, რომ საქართველოს მთავრობა მოწყვლადი ჯგუფების მხარდასაჭერად სოციალური დახმარების  სხვადასხვა  პროგრამას ახორციელებს. 

იტალიაში, ზურაბა აზარაშვილთან ერთად,  ოფიციალური ვიზიტით იმყოფება სამინისტროს ჯანმრთელობის დაცვის პოლიტიკის სამმართველოს მთავარი სპეციალისტი ქეთევან გოგინაშვილი და პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის მოადგილე ზაალ მიქელაძე.

ავტორი: NS (სტატია დაფინანსებულია),

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი