ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე იძულებით გადაადგილებულ პირთა მონიტორინგის ცენტრისა (IDMC) და ნორვეგიის ლტოლვილთა საბჭოს (NRC) ხელმძღვანელსა და ექსპერტს შეხვდა.

ილია ღუდუშაურმა, ეკომიგრანტებისა და იძულებით გადაადგილებული პირთა საჭიროებების დაკმაყოფილების მიზნით, მიმდინარე და სამომავლო პროექტების შესახებ, სტუმრებს დეტალური ინფორმაცია მიაწოდა.

მინისტრის მოადგილემ ალექსანდრა ბილაკს და იოსეფ ჯეის 3-წლიანი სამოქმედო გეგმა გააცნო, რომლის მიხედვითაც, 13 000-მდე დევნილ ოჯახს საცხოვრებელი ფართები გადაეცემათ.

მისივე განცხადებით უწყება, განსახლების გარდა, ეკომიგრანტებისა და დევნილებისათვის სხვა მნიშვნელოვანი საკითხების გადაჭრაზე აქტიურად მუშაობს. ამ მიზნით, იგეგმება ფართომასშტაბიანი კვლევის ჩატარება და ერთიანი სტრატეგიის მომზადება. აღნიშნული მიმართულებით, სამინისტროს IDMC-სა და NRC-ს ხელმძღვანელები და ექსპერტებიც დაეხმარებიან.

როგორც IDMC-ის დირექტორმა ალექსნდრა ბილაკმა აღნიშნა, საქართველო ერთ-ერთია იმ მცირერიცხოვან ქვეყნებს შორის, რომლებსაც დევნილთა ეროვნული მონაცემთა ბაზა გააჩნია, რაც იძულებით გადაადგილებული პირების პრობლემების მოგვარებაზე მუშაობისთვის მნიშვნელოვანი  დოკუმენტია.

შეხვედრას სამინისტროს პოლიტიკის დეპარტამენტისა და დევნილთა, ეკომიგრანტთა და საარსებო წყაროებით უზრუნველყოფის სააგენტოს წარმომადგენლები ესწრებოდნენ.

ავტორი: NS (სტატია დაფინანსებულია),

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება