2022-05-30 12:40:19, 1346 ნახვა
სამართალი
შსს-მ დააკავა ძმები კაკულიები, რომლებიც შესაძლოა ნიკა კვარაცხელიას მკვლელობის საქმეში ფიგურირებდნენ
შინაგან საქმეთა სამინისტრომ იარაღის უკანონო შეძენა-შენახვა-ტარების მუხლით ორი პირი დააკავა.
შსს-მ „ექსპრესნიუსს“ უდასტურებს, რომ დაკავებული პირები დავით და გუგა კაკულიები არიან, რომლებიც არაოფიციალური ინფორმაციით, შესაძლოა, 22 წლის ნიკა კვარაცხელიას მკვლელობის საქმეში ფიგურირებდნენ.
ძმები კაკულიები დღეს დილით ორთაჭალაში დააკავეს.
გავრცელებული ინფორმაციით, ძმები კაკულიები შესაძლოა ნიკა კვარაცხელიას მკვლელობის საქმესთან კავშირში იმყოფებოდნენ.
შეგახსენებთ, რომ 2021 წლის 15 სექტემბერს თბილისში, არაყიშვილის ქუჩაზე ნიკა კვარაცხელიას ცეცხლსასროლი იარაღიდან ესროლეს. მიყენებული ჭრილობების შედეგად, კვარაცხელია საავადმყოფოში მიყვანის შემდეგ გარდაიცვალა.
ავტორი: ექსპრესნიუსი,
epn.ge (@expressnews.ge)
