2022-05-11 16:52:55, 2587 ნახვა

---

აგროქულები 40,000-მდე ფერმერს უკვე დაერიცხა, სახელმწიფო პროგრამით 300,000-ზე მეტი მცირემიწიანი ფერმერი ისარგებლებს

„ლიბერთი ბანკის“ აგრობარათებზე „სახელმწიფო სასოფლო-სამეურნეო დანიშნულების მიწის ნაკვეთების მესაკუთრეთა ხელშეწყობის პროგრამით“ გათვალისწინებული ქულების დარიცხვა, პოტენციური ბენეფიციარებისთვის  ეტაპობრივად ხორციელდება. ამის შესახებ ინფორმაციას გარემოს დაცვისა და სოფლის მეურნეობის სამინიტრო ავრცელებს.

აღნიშნულიდან გამომდინარე, აუცილებელია, ბარათის გასააქტიურებლად ან ახალი ბარათის ასაღებად, ბანკში ვიზიტამდე, ლიბერთი ბანკის ვებგვერდზე https://myliberty.ge/?id=agro გადაამოწმოთ  ინფორმაცია თქვენს ბარათზე ქულების დარიცხვის შესახებ და მხოლოდ ამის შემდეგ ეწვიოთ ლიბერთი ბანკის თქვენთვის მოსახერხებელ ფილიალს.

პროგრამაში მონაწილეობისა და  დარიცხული ქულების შესახებ ინფორმაციის გადამოწმება ასევე შესაძლებელია ლიბერთი ბანკის  ცხელი ხაზის (2 55 55 00)  მეშვეობით. ფერმერებს პროგრამის დეტალების შესახებ ინფორმაციის მისაღებად, ან პროგრამაში ჩართვასთან/პროგრამით სარგებლობასთან დაკავშირებულ ნებისმიერ საკითხზე შეუძლიათ დაუკავშირდნენ გარემოს დაცვისა და სოფლის მეურნეობის სამინისტროს ცხელ ხაზს (1501).

„სახელმწიფო სასოფლო-სამეურნეო დანიშნულების მიწის ნაკვეთების მესაკუთრეთა ხელშეწყობის პროგრამით“ სასოფლო-სამეურნეო მიწაზე სუბსიდიის მოცულობა განისაზღვრა 1 ჰა-ზე 300 ლარით (აგრობარათზე დარიცხული 300 ქულით). პროგრამის ფარგლებში სუბსიდიას მიიღებენ 0.25 ჰა-დან - 1.25 ჰა-ს ჩათვლით მიწის მესაკუთრეები/თანამესაკუთრეები.

ქულების გამოყენება შესაძლებელია სპეციალიზებულ მაღაზიებში, სასოფლო-სამეურნეო საქონლის - ჰერბიციდები, პესტიციდები, სათესლე მასალები, სასოფლო სამეურნეო იარაღები, და სხვა - შესაძენად. მაღაზიების ჩამონათვალი, მისამართების მითითებით  იხილეთ: https://myliberty.ge/files/Agro.pdf. 

აგროქულების განაღდება, ამ ეტაპზე, საქართველოს მასშტაბით, 180-ზე მეტ სპეციალიზებულ მაღაზიაშია შესაძლებელი; პროგრამის ბენეფიციარ ფერმერებს, ეტაპობრივად, 500-ზე მეტი სავაჭრო ობიექტი მოემსახურება.

აგრობარათებზე  დარიცხული  ქულების გამოყენების ბოლო ვადაა 2022 წლის 30 ნოემბერი.“- აღმიშნულია ინფორმაციაში.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი