სოფლის მეურნეობის სამეცნიერო-კვლევითი ცენტრის საქმიანობა, მიმდინარე პროექტები, საერთაშორისო თანამშრომლობასა და სამეცნიერო მიმართულებით საქართველოში დანერგილი ტექნოლოგიები ცენტრის დირექტორმა, ლევან უჯმაჯურიძემ მსოფლიო ბანკის სოფლის მეურნეობის და სურსათის ჯგუფის სამხრეთ კავკასიის რეგიონში სოფლის მეურნეობის მთავარ ეკონომისტ იან იუსტ ნიჯჰოფსთან შეხვედრაზე განიხილა.

მათივე ცნობით, მხარეებმა აგრარული მიმართულებით საქართველოში არსებულ მდგომარეობაზე, ფერმერების მხარდაჭერასა და მათი გადამზადების საკითხებზე გაამახვილეს ყურადღება.

„სოფლის მეურნეობის მიმართულებით გვსურს საქართველოსთან თანამშრომლობის გაღრმავება, ამიტომ გავეცნობით უწყების საქმიანობას და განვსაზღვრავთ პრიორიტეტებს. ამ ეტაპზე, ჩვენ სამინისტროსთან ირიგაციის მიმართულებით ვთანამშრომლობთ, თუმცა გვსურს, უფრო ფართო კონტექსტში თანამშრომლობის გაგრძელება“, - აღნიშნა იან იუსტ ნიჯჰოფსმა.

შეხვედრაზე მხარეებმა სოფლის მეურნეობის მიმართულებით არსებულ გამოწვევებზე გაამახვილეს ყურადღება, სადაც მსოფლიო ბანკის ჩართულება შესაძლებელია მნიშვნელოვანი იყოს.

„ჩვენ შეგვიძლია საერთო ინტერესებზე ვიმსჯელოთ, რომელიც მსოფლიო ბანკისთვის საინტერესო იქნება და საქართველოს სოფლის მეურნეობის განვითარებას წაადგება. მსოფლიო ბანკს ჩვენს ქვეყანაში ბევრი წარმატებული პროექტი აქვს განხორციელებული, ამიტომაც მათთან კოლაბორაცია საინტერესოა“, - აღნიშნა ლევან უჯმაჯურიძემ.

ავტორი: NS (სტატია დაფინანსებულია),

სოციალური ქსელები

ბოჭორიშვილი- ევროკავშირში ხშირად ატარებენ შეხვედრებს, იმისთვის რომ საქართველო არ მიიწვიონ

კობახიძემ მოიტყუა, რომ ევროპარლამენტი არ აღიარებს საქართველოს სუვერენიტეტს მთელ ტერიტორიაზე

სტრასბურგის სასამართლომ რუსეთს პასუხისმეგებლობა დააკისრა საქმეზე, რომელიც გიორგი ანწუხელიძესა და სხვა მეომრებს ეხება

"ქართულმა ოცნებამ" ევროსასამართლოში გამოხატვის თავისუფლების საქმეზე დავა წააგო