უკრაინის ვიცე -პრემიერის, დროებით ოკუპირებული ტერიტორიების რეინტეგრაციის მინისტრის ირინა ვერესჩუკის განცხადებით, უკრაინა მიუღებლად მიიჩნევს უკრაინელების ევაკუაციის წინადადებას რუსეთის ფედერაციასა და ბელორუსიაში.

ირინა ვერესჩუკი მოითხოვს უკრაინის ტერიტორიაზე ჰუმანიტარული დერეფნების შექმნას.

"გუშინ, უკრაინულმა მხარემ მიიღო წერილი რუსეთის ფედერაციიდან, რომელშიც შემოგვთავაზეს, საფრანგეთის პრეზიდენტის ემანუელ მაკრონის პირადი მოთხოვნის გათვალისწინებით, გამოეცხადებინათ ცეცხლის შეწყვეტის რეჟიმი 7 მარტის 10:00 საათიდან და გაეხსნათ შემდეგი ჰუმანიტარული დერეფნები:

კიევი–გოსტომელი–რაკოვკა–სოსნოვკა–ივანკოვი–ორანოე–ჩერნობილი–გდენ–გომელი. რუსეთის ფედერაციაში შემდეგ ავიაციის გამოყენებით ;

ხარკოვი-ნეხოტეევკა-ბელგოროდი. შემდგომი სარკინიგზო და საავტომობილო გზით შერჩეული მიმართულებების ან დროებითი განსახლების წერტილებისკენ;

სუმი-სუჯა-ბელგოროდი. შემდეგ სარკინიგზო და საავტომობილო გზით შერჩეული მიმართულებების ან დროებითი განსახლების პუნქტებში.

„ჰუმანიტარული დერეფნების გახსნის ეს ვარიანტი არის მიუღებელი. ჩვენი ხალხი ბელარუსში არ წავა, რომ მერე თვითმფრინავით რუსეთის ფედერაციაში გადაფრინდეს“, - განაცხადა ვერეშჩუკმა.

ამასთან უკრაინულმა მხარემ რუსებს ჰუმანიტარული დერეფნების ხედვა გაუგზავნა:

ქალაქებიდან: ბუჩა-ბოროდიანკა-ირპენი-დიმერი-ივანკოვი-კიევის მიმართულებით, შემდგომ რკინიგზის გამოყენებით ლვოვისკენ, უჟგოროდისკენ, ივანო-ფრანკივსკისკენ გასამგზავრებლად;

მარიუპოლი-პორტოვსკოე-მანგუში, ნიკოლსკის,  როზოვკა-ბილმაკი-პოლოგი ორეხოვი-ზაპოროჟიეს გვერდის ავლით, 

ვოლნოვახა-ვალერიანოვკა-ნოვონდრეევკა-კირილოვკა-უგლედარი-პოკროვსკის მიმართულებით;

სუმი-გოლუბოვკა-ოლშანა-ნედრიგაილოვი-კოროვინცი-რომნი-ანდრეაშევკა-ლოხვიცა-ლუბნი-პოლტავას მიმართულებით;

იზიუმი-გრუშოვაჩი-პანიუტინო-ლოზოვაიას მიმართულებით; ბალაქლეა-გუსაროვკა-პერვომასკის მიმართულებით;

სოფლებიდან: ლიპციდან და სტრელეჩედან მერეფამდე; ხარკოვიდან ლვოვში, უჟგოროდში, ივანო-ფრანკივსკში.

"ჩვენ მოვითხოვთ, რომ რუსეთის ფედერაციამ მიიღოს ჩვენი მარშრუტების ვარიანტები, ასევე შეწყვიტოს ცეცხლი. მოვითხოვთ, რომ რუსეთის ფედერაციამ გახსნას ჰუმანიტარული დერეფნები, რომლებზეც მიემგზავრება ჰუმანიტარული მარაგი მედიკამენტებითა და საკვებით", - დასძინა მან.

ავტორი: ექსპრესნიუსი,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა