სოციალურ ქსელ „ტიკტოკის“ მომხმარებლები საუბრობენ, რომ რუსეთის აღმოსავლეთიდან უკრაინის საზღვრებთან სამხედროები გადაიყვანეს.

„ტიკ ტოკზე“ სამხედრო ტექნიკის გადაცემის ვიდეოს ქვეშ, ათასობით კომენტარი გამოჩნდა, სადაც ადასტურებენ, რომ სამხედროები აღმოსავლეთის ოლქიდან უკრაინის საზღვრებში გაგზავნეს. აღნიშნულის შესახებ ნათქვამია Conflict Intelligence Team-ისა და Radio Liberty-ს ერთობლივ პუბლიკაციაში.

წინა პუბლიკაციებში ჯარების გადაცემის შესახებ, CIT-ის ექსპერტებმა არ აღნიშნეს პერსონალის მასობრივი გადაყვანა. სამხედრო ეშელონებში სამგზავრო მანქანების რაოდენობა დაახლოებით შეესაბამებოდა იმ სამხედრო მანქანათა რაოდენობას, რომლებიც საჭირო იყო ტრანსპორტირებული აღჭურვილობის მომსახურებისთვის.

ბოლო კვირის განმავლობაში, „ტიკტოკზე“ რამდენიმე ახალმა ვიდეომ მოიპოვა პოპულარობა, მათ შორისაა, ხაბაროვსკში და ებრაულ ავტონომიურ რეგიონში მატარებლის გავლის დროს გადაღებული ვიდეოები.

როგორც CIT და „რადიო თავისუფლება“ პუბლიკაციაში აღნიშნავენ, „თითქმის ყოველ წამს“ მომხმარებლები წერენ, რომ მათი ნათესავები ან ნაცნობები გაგზავნეს „მივლინებაში“ ან „ვარჯიშზე“ ბელორუსში, უკრაინაში ან უკრაინის საზღვარზე.

ავტორი: ექსპრესნიუსი,

სოციალური ქსელები

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური

კახა კალაძე: „ნაციონალურ მოძრაობას“ პოლიტიკურ პარტიასაც ვერ ვუწოდებ