მისალმებელია პრეზიდენტ ზურაბიშვილის ინიციატივა და ჩვენ მხარს ვუჭერთ მცდელობაში, დასტაბილურდეს პოლიტიკური პროცესი, - ამის შესახებ საქართველოში აშშ-ის ელჩმა, კელი დეგნანმა ჟურნალისტებთან საუბრისას განაცხადა.

ელჩის თქმით, ყველას აქვს საკუთარი ხმა და პასუხისმგებლობა პროცესში, რომელიც გულისხმობს დაპირისპირების დასრულებას, რომელიც ნაბიჯ-ნაბიჯ უნდა მოხდეს.

„პრეზიდენტ ზურაბიშვილის ძალისხმევა ძალიან მნიშვნელოვანია საქართველოსთვის ამ კრიტიკულ მომენტში, რაც გულისხმობს საზოგადოების გამთლიანებას და იმ დაპირისპირების შემცირებას, რომელიც ქვეყანაშია. მისასალმებელია პრეზიდენტ ზურაბიშვილის ეს ინიციატივა და ჩვენ მხარს ვუჭერთ მცდელობაში, რათა დასტაბილურდეს პოლიტიკური პროცესები და სიმშვიდე მოუტანოს ქვეყანას. ვიცით, რომ პროცესში ჩართულები არიან როგორც პოლიტიკური პარტიები, ისე სხვადასხვა დაინტერესებული მხარეები, მათ შორისაა სამოქალაქო საზოგადოება და საქართველოს ეკლესია. ყველას აქვს საკუთარი ხმა და პასუხისმგებლობა ამ პროცესში, რაც გულისხმობს დაპირისპირებების დასრულებას. ეს არ არის ის, რაც ერთ ღამეში მოხდება. ნაბიჯ-ნაბიჯ უნდა მოხდეს პოზიციების შეჯამება და შემდეგ უკვე, შესრულება“, - განაცხადა კელი დეგნანმა.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს