საქართველოს მესამე პრეზიდენტის უფლებადამცველის ნიკა გვარამიას განცხადებით, მიხეილ სააკაშვილი სუსტად არის და სურვილის მიუხედავად 23-ში სასამართლო პროცესზე დასწრებას სავარაუდოდ ვერ შეძლებს.

ამასთან ექსპრეზიდენტი სალომე ზურაბიშვილის მიერ წამოწყებულ კამპანიას მიესალმება.

გვარამიას განცხადებით, ექსპრეზიდენტი მიმართვას გავრცელებს, სადაც მოქალაქეებს ხალხმარავალი, მშვიდობიანი პროტესტისკენ მოუწოდებს.

"საკითხები რომლებზეც ვისაუბრეთ ამაზე საჯარო განხილვას არ ვაპირებ, მნიშვნელოვანია მისი ჯანმრთელობის მდოგომარებობა. ის არის სუსტად. სამედიცინო მიმართულებით კომენტარებს არ გავაკეთებ, მე შემიძლია გითხრათ რას ვხედავ. არის სუსტად, არის წონაში დაკლებული და მნიშვნელოვნად ეტყობა ეს ყველაფერი. არ შიმშილობს ცხადია, მაგრამ ვერ ჭამს. ისე სუსტად არის რომ ფიქრობს 23-ში სასამართლოზე მისვლას, მაგრამ პირადად ჩემთვის, ჩემი პოზიცია იყო, რომ ამ ვითარებაში, თუ ის ასე იქნა, ჯობია, რომ ამისგან თავი შეიკავოს რა მიზანიც არ უნდა ჰქონდეს და გასაგებია რა მიზანიც აქვს ამას ყველაფერს, მაგრამ ახლა მის სიცოცხლეზე დიდი მიზანი ჩემი აზრით არ არსებობს და მისი სიცოცხლის შენარჩუნებაზე. ვიდრე სააკაშვილის განცხადება დაიდება გეტყვით მოკლედ. რომ იგი მიესალმება რეკონსილაციის პროცესს იგი მიესალმება სალომე ზურაბიშვილის მიერ წამოწყებულ კამპანიას, თუმცა ელოდება როგორი გაგრძლება ექნება ამ ყველაფერს. ასევე იგი მიესალმება, იმას  რომ პირველად ხელისუფლების მხრიდან აღიარებული იქნა უმძიმესი კრიზისი ქვეყანაში ყველა მიმართულებით. რეკონსილაციის პარალელურად კი მიიჩნევს, რომ მნიშვნელოვანია ხალხმარავალი მშვიდობიანი პროტესტი და მისი თქმით, 21- ში მნიშვნელოვანია ბევრი ადამიანი შეიკრიბოს და დააფიქსიროს საკუთარი მოთხოვნები და ეს უფრო დააჩქარებს რეკოსილაციის პრპცესს" ამბობს ნიკა გვარამია.

ავტორი: ექსპრესნიუსი,

სოციალური ქსელები

საია: სადამსჯელო რაზმების შექმნა აზრისა და გამოხატვის ჩახშობის ტენდენციის გაგრძელებაა

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას