2021-11-04 17:45:08, 1267 ნახვა
მსოფლიო
საფრანგეთის პრეზიდენტმა ანგელა მერკელი უმაღლესი ორდენით დააჯილდოვა
საფრანგეთის პრეზიდენტმა, ემანუელ მაკრონმა, გერმანიის კანცლერს, ანგელა მერკელს საფრანგეთის რესპუბლიკის უმაღლესი ჯილდო, „საპატიო ლეგიონის“ ორდენი გადასცა.
ჯილდოს გადაცემის ცერემონიაზე მაკრონმა აღნიშნა, რომ ყველა პრობლემის და ტურბულენტობის მიუხედავად, მერკელმა ყველაფერი გააკეთა, რათა ევროპული ერთიანობა შეენარჩუნებინა.
„საპატიო ლეგიონის“ ორდენი საფრანგეთის უმაღლესი ჯილდოა, რომელიც ნაპოლეონ ბონაპარდემ დააწესა.
ანგელა მერკელი რამდენიმე დღეში გერმანიის კანცლერი აღარ იქნება. გერმანიაში არჩევნები სექტემბრის ბოლოს გაიმართა, სადაც საპარლამენტო არჩევნებში სოციალ-დემოკრატიულმა პარტიამ გაიმარჯვა.
ავტორი: ექსპრესნიუსი,
epn.ge (@expressnews.ge)
