რუსეთის საგარეო საქმეთა სამინისტრო ჟენევის მოლაპარაკებების 54-ე რაუნდთან დაკავშირებით განცხადებას ავრცელებს.

უწყების ცნობით, შეხვედრაზე დადასტურდა საერთო აზრი, რომ ჟენევის დისკუსიებს, როგორც უნიკალურ მრავალმხრივ პლატფორმას, რომელიც თბილისის სოხუმთან და ცხინვალთან მუდმივი, პირდაპირი და ინკლუზიური დიალოგის შენარჩუნების შესაძლებლობას წარმოადგენს, ალტერნატივა არ აქვს.

„ამ სტრატეგიული მიზნის მისაღწევად აუცილებელია ერთი მხრიდან საქართველოს, ხოლოდ მეორე მხრიდან აფხაზეთსა და სამხრეთ ოსეთს შორის ძალის გამოუყენებლობის შესახებ იურიდიულად სავალდებულო შეთახმების ხელმოწერისთვის მუშაობაზე ფოკუსირება. აღნიშნული ამოცანის იმპერატიულობა იზრდება ნატო-ში თბილისის ჩათრევისკენ მიმართული დასავლეთის აქტიური ძალისხმევის ფონზე, რაზეც მეტყველებს უშუალოდ ქართულ ტერიტორიაზე რეგულარული სამხედრო წვრთნები, მათ შორის ბოლო პეროდში გამართული ალიანსის მრავალეროვნული სწავლება „მტკიცე სული 2021"
ჟენევის დისკუსიების მონაწილეთა უმრავლესობის შეფასებით, სიტუაცია ქართულ-აფხაზურ და ქართულ-სამხრეთოსურ საზღვრისპირეთში შედარებით სტაბილური რჩება. რეგიონში უსაფრთხოების განმტკიცების მიზნით, რუსული მხარე გამოდის შეთავაზებით, დაიწყოს საქართველოს, აფხაზეთსა და სამხრეთ ოსეთთან საზღვრების დელიმიტაციის პროცესი მათი შემდგომი დემარკაციით. ამაში მოსკოვი აქტიურად უჭერს მხარს სოხუმსა და ცხინვალს
კონფრონტაციული პოზიციის დაკავებით და სხვადასხვა საერთაშორისო ფორმატში, რომლებშიც არ მონაწილეობენ აფხაზეთი და სამხრეთ ოსეთი, ტენდეცნიური დოკუმენტების გატანით, ქართული მხარე თავად ბლოკავს ჟენევის პლატფორმაზე გარკვეული საკითხების განხილვას. საუბარია, უპირველეს ყოვლისა, იძულებით გადაადგილებულ პირთა და ლტოლვილთა შესახებ რეალობას მოწყვეტილ რეზოლუციაზე, რომელსაც თბილისი ყოველწლიურად წარადგენს გაერო-ს გენერალურ ასამბლეაზე განსახილველად. საერთაშორისო საზოგადოებისთვის თავისი ცალმხრივი და უკიდურესად პოლიტიზებული თვალსაზრისის თავს მოხვევა გაერო-ს ტრიბუნიდან, რომელზეც წვდომა აფხაზეთისა და სამხრეთ ოსეთის წარმომადგენლებისთვის კვლავ დაკეტილია, შეუძლებელს ხდის დიალოგს ჟენევის დისკუსიების ეგიდით მოცემულ პრობლემაზე“, – ნათქვამია რუსეთის საგარეო საქმეთა სამინისტროს განცხადებაში.

ავტორი: ექსპრესნიუსი,

სოციალური ქსელები

ბოჭორიშვილი: ნაურუს მიერ მიღებული გადაწყვეტილება აფხაზეთისა და სამხრეთ ოსეთთან დიპლომატიური ურთიერთობების გაწყვეტის შესახებ, საქართველოს არაღიარების პოლიტიკის მნიშვნელოვანი გამარჯვებაა

საქართველოს ბანკის ფინანსური განათლების ეკოსისტემა - ინიციატივა, რომელიც ფინანსურ განათლებას ყველა თაობისთვის ხელმისაწვდომს ხდის

დუროვმა რუსეთში ტერორიზმის ხელშეწყობაში ბრალს ფოტოთი უპასუხა

ბერძენიშვილი: საზოგადოებრივი მაუწყებლის თანამშრომლებს არ აქვთ უფლება, სოციალურ მედიაში საკუთარი აზრი გამოხატონ