გარემოს დაცვისა და სოფლის მეურნეობის მინისტრი ლევან დავითაშვილი ამერიკის შეერთებული შტატების საერთაშორისო განვითარების სააგენტოს (USAID) მისიის ხელმძღვანელ პიტერ ვიბლერს და USAID საქართველოს ეკონომიკური ზრდის ოფისის ხელმძღვანელ მარიკა ოლსონს შეხვდა.

შეხვედრაზე მხარეებმა კლიმატის ცვლილების, წყლის და ნარჩენებისა მართვის მიმართულებით არსებულ გამოწვევებზე იმსჯელეს. საუბარი შეეხო სოფლის მეურნეობის დარგში მიმდინარე და განსახორციელებელი პროგრამების მნიშვნელობის საკითხებსაც.

ლევან დავითაშვილმა მადლობა გადაუხადა USAID-ს მრავალწლიანი მხარდაჭერისთვის, ეფექტიანი თანამშრომლობისთვის და ქვეყნებს შორის პარტნიორული ურთიერთობების მნიშვნელობაზე გაამახვილა ყურადღება.

პიტერ ვიბლერმა შეხვედრაზე აღნიშნა, რომ USAID განაგრძობს საქართველოს მხარდაჭერას სოფლის მეურნეობისა და გარემოსდაცვითი მიმართულებებით. USAID-ისთვის განსაკუთრებით პრიორიტეტულია კლიმატის ცვლილებებთან დაკავშირებული საკითხები. მისიის ხელმძღვანელმა მზადყოფნა გამოთქვა, საქართველოს დაეხმაროს ისეთი აქტივობების განხორციელებაში, რომელიც კლიმატის ცვლილების შერბილებას, ენერგოუსაფრთხოების გაძლიერებას და სათბური აირების გაფრქვევის შემცირებას შეუწყობს ხელს.

ავტორი: NS (სტატია დაფინანსებულია),

სოციალური ქსელები

ბოჭორიშვილი: ნაურუს მიერ მიღებული გადაწყვეტილება აფხაზეთისა და სამხრეთ ოსეთთან დიპლომატიური ურთიერთობების გაწყვეტის შესახებ, საქართველოს არაღიარების პოლიტიკის მნიშვნელოვანი გამარჯვებაა

საქართველოს ბანკის ფინანსური განათლების ეკოსისტემა - ინიციატივა, რომელიც ფინანსურ განათლებას ყველა თაობისთვის ხელმისაწვდომს ხდის

დუროვმა რუსეთში ტერორიზმის ხელშეწყობაში ბრალს ფოტოთი უპასუხა

ბერძენიშვილი: საზოგადოებრივი მაუწყებლის თანამშრომლებს არ აქვთ უფლება, სოციალურ მედიაში საკუთარი აზრი გამოხატონ