ევროკავშირში ზრდასრული მოსახლეობის 70% - 250 მილიონი ადამიანი -  სრულად ვაქცინირებულია. ამის შესახებ თავის მიმართვაში ევროკომისიის პრეზიდენტმა ურსულა ფონ დერ ლეიენმა ისაუბრა.

"მინდა მადლობა გადავუხადო უამრავ ადამიანს, რომელთა წყალობითაც ეს მიღწევა შესაძლებელი გახდა. მაგრამ სვლა უნდა განვაგრძოთ. საჭიროა, რომ კიდევ უფრო მეტი ევროპელი აიცრას. ასევე, უნდა დავეხმაროთ დანარჩენს მსოფლიოს, რომ აიცრან. გავაგრძელებთ ჩვენი პარტნიორების მხარდაჭერას", - განაცხადა ფონ დერ ლეიენმა.

იანვარში ევროკომისიამ განაცხადა, რომ ევროკავშირმა მოსახლეობის აცრის სასურველ ნიშნულს 2021 წლის ზაფხულისთვის უნდა მიაღწიოს. ეს განიმარტა, როგორც ევროკავშირის ყველა წევრმა ქვეყანამ უნდა აცრას ზრდასული მოსახლეობის 70%.

დაავადებათა კონტროლის ევროპული ცენტრის ინფორმაციით, მალტაში სრულად ვაქცინირებულია ზრდასრული მოსახლეობის 90%, ირლანდიასა და პორტუგალიაში - 80%. ამასთან, ბულგარეთში მხოლოდ მოსახლეობის მეხუთედია სრულად ვაქცინირებული, რუმინეთში - 30%. ხორვატიაში, ლატვიაში, სლოვენიასა და სლოვაკეთში ზრდასრული მოსახლეობის თითქმის ნახევარია აცრილი.

ავტორი: ექსპრესნიუსი,

სოციალური ქსელები

19 ივლისს უმეტეს რეგიონში მოსალოდნელია წვიმა, ელჭექი, სეტყვა

რუსეთში ათასობით ტურისტული სააგენტოს დახურვა დაიწყო

ფიფა 2026 წლის მსოფლიო ჩემპიონატის ფინალის გადადებას ხანძრების გამო გამორიცხავს - Bloomberg

ზელენსკი სირსკის შემცვლელად მუშაობას განიხილავს - FT