ჯანდაცვის მინისტრის მოადგილე თამარ გაბუნია აცხადებს, რომ საქართველოში კორონავირუსით ინფიცირებული პაციენტების სამკურალოდ ე.წ საველე ჰოსპიტლების მოწყობა დღეს არ განიხილება.

როგორც გაბუნია განმარტავს, სამინისტრო მუშაობს დამატებითი სასტუმროების მობილიზებაზე.

„ამ ეტაპზე, ჩვენ ვმუშაობთ დამატებით სასტუმროების მობილიზებაზე. გარკვეულწილად გვეხმარება ისიც, რომ ბოლო პერიოდში, რიგი ქვეყნებიდან ტურისტების ნაკადები შემცირდა, ამდენად სასტუმროების მობილიზების შესაძლებლობა მეტი გაჩნდა. ჩვენთვის, მოგეხსენებათ, სასტუმრო იყო საველე ჰოსპიტლის ანალოგი, ამდენად სასტუმროების მობილიზებაზე ნამდვილად ვმუშაობთ და ვფიქრობ, ამაზე მეტი საჭიროება არ იქნება და მოხერხდება სასტუმროს რესურის გამოყენებით ყველა ადამიანის მოთავსება იმ სივრცეში, სადაც იქნება ექიმი. სხვა სივრცეზე საუბარი არ არის“, - განაცხადა მინისტრის მოადგილემ.

ამასთანავე, მინისტრის მოადგილემ დასძინა, რომ იმ შემთხვევაში, თუკი დადგება ე.წ საველე ჰოსპიტლების მოწყობის აუცილებლობა, ქვეყანას გააჩნია დიდი სივრცეები და შესაძლებელია მათი ადაპტირება.

„საველე ჰოსპიტლის მართვა და ადამიანური რესურსით მისი უზრუნველყოფა იქნება ძალიან რთული. ამდენად, მოდელი, რომელიც ჩვენ გვაქვს და რაც შესაძლებელია მეტად გაფართოვდეს, ეს არის სასტუმროების მოდელი, დიდი სივრცეების გამოყენება, სადაც კომფორტულ გარემოში შესაძლებელია პაციენტის მკურნალობა. საველე პირობებზე დღეს კონკრეტული საუბარი არ არის, თუკი დადგება ამის საჭიროება, რესურსი, დიდი სივრცე სადაც არის ესეც ცნობილია და შესაძლებელია მისი ადაპტირება, თუმცა ჩვენთვის მეტად მისაღები მოდელი არის სასტუმროების ადაპტირება“, - დასძინა გაბუნიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა