ვახტანგ გომელაური - ჩვენთვის მნიშვნელოვანია, გარემო, სადაც ჩვენი თანამშრომლები 24 საათის განმავლობაში მუშაობენ, იყოს კომფორტული და თანამედროვე სტანდარტების შესაბამისი

2021-08-02 15:08:02, 311 ნახვა

საზოგადოება

"ჩვენთვის მნიშვნელოვანია, გარემო, სადაც ჩვენი თანამშრომლები 24 საათის განმავლობაში მუშაობენ, იყოს კომფორტული და თანამედროვე სტანდარტების შესაბამისი", - ამის შესახებ შინაგან საქმეთა მინისტრმა, ვახტანგ გომელაურმა სამინისტროში უწყების 10-წლიანი სამოქმედო გეგმის წარდგენისას განაცხადა.
"შინაგან საქმეთა სამინისტროს სხვადასხვა დეპარტამენტისთვის 60-ზე მეტი ახალი შენობა აშენდა. მომავალი ათი წლის განმავლობაში კვლავ დაგეგმილია ინფრასტრუქტურული პროექტების განხორციელება, რადგან ჩვენთვის მნიშვნელოვანია, გარემო, სადაც ჩვენი თანამშრომლები 24 საათის განმავლობაში მუშაობენ, იყოს კომფორტული და თანამედროვე სტანდარტების შესაბამისი.
გარემონტდება:
• პოლიციის 185 შენობა;
• 14 სასაზღვრო სექტორი;
• საგანგებო სიტუაციების 60 პუნქტი;
• დროებითი მოთავსების 24 იზოლატორი;
• 18 საექსპერტო შენობა;
• საპატრულო პოლიციის 15 შენობა;
• განსაკუთრებულ დავალებათა დეპარტამენტის 13 ობიექტი;
აშენდება:
• პოლიციის 30 შენობა;
• სასაზღვრო პოლიციის 20 შენობა;
• საგანგებო სიტუაციების 90 პუნქტი;
• დროებითი მოთავსების 2 იზოლატორი;
• 1 საექსპერტო შენობა (სამეგრელო-ზუგდიდი);
• განსაკუთრებულ დავალებათა დეპარტამენტის 2 ობიექტი;
• შსს-ს არქივის შენობა;
· მიგრაციის დეპარტამენტის 1 შენობა", - განაცხადა ვახტანგ გომელაურმა.