2021-05-10 18:09:40, 1050 ნახვა
სამართალი
ნიკა მელიამ საპატიმრო დატოვა
„ნაციონალური მოძრაობის“ თავმჯდომარემ ნიკა მელიამ რუსთავის მეთორმეტე პენიტენციური დაწესებულება უკვე დატოვა.
ცნობისთვის, თბილისის საქალაქო სასამართლომ ნიკა მელია პატიმრობიდან დღეს გაათავისუფლა. გადაწყვეტილება მოსამართლე ნინო ჩახნაშვილმა მიიღო.
დღევანდელ სასამართლო პროცესს არ ესწრებოდა თავად ბრალდებული ნიკა მელია.
შეგახსენებთ, რომ ნიკა მელიას მიმართ შეფარდებული აღკვეთის ღონისძიების პატიმრობის შეცვლასთან დაკავშირებით სასამართლოს პროკურატურამ გუშინ მიმართა. ამასთანავე, 8 მაისს ნიკა მელიას გირაოს თანხა, 40 ათასი ლარის ოდენობით ევროკავშირმა გადაიხადა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
